ახალი ამბები
ქუთაისში სოციალური საცხოვრისის რეაბილიტაცია შესაძლოა ვადაზე ადრე დასრულდეს
FaceBook

ქუთაისში, ნიკეას ქუჩაზე უსახლკაროებისთვის განკუთვნილი შენობის სარეაბილიტაციო სამუშაოების ძირითადი ნაწილი დასრულებულია.

სოციალური საცხოვრისს, რომელიც კავშირგაბმულობის ყოფილ შენობაში მოეწყობა, შპს "სანო" აშენებს.
კომპანიამ ეს უფლება მერიის მიერ გამოცხადებული კონკურსის შედეგად მოიპოვა. კომპანია ერთადერთი იყო, რომელმაც კონკურსში მონაწილეობა მიიღო.

მშენებლობის ზედამხედველის, ჯიმი გეწაძის თქმით, ამ დროისთვის შენობის ოთხივე სართულზე მეტალოპლასტმასის ფანჯრები ჩაისვა, გაილესა და ელექტროგაყვანილობით აღიჭურვა.

"ხვალვე შეგვიძლია შიდა სამუშაოები დავიწყოთ", - ამბობს ჯიმი გეწაძე.

სოციალური საცხოვრისი ქუთაისის მერიას 2017 წლის იანვრის ბოლოს უნდა ჩაბარდეს. თუმცა, სამუშაოების ხელმძღვანელის თქმით, შესაძლოა რეაბილიტაცია ერთი თვით ადრე დასრულდეს.

სოციალური საცხოვრისის მოსაწყობად ადგილობრივი ბიუჯეტიდან ერთი მილიონი ლარია გამოყოფილი.

შენობაში საცხოვრებელი ფართი 80-მდე ოჯახისთვის არის განკუთვნილი. საცხოვრებლით დაკმაყოფილებას კი 700 ოჯახი ითხოვს. სწორედ ამდენი განცხადებაა შესული ქუთაისის მერიაში.

ვის გადაეცემა ბინა რეაბილიტირებულ შენობაში ჯერ-ჯერობით უცნობია. მერიაში ამბობენ, რომ ბენეფიციარებს სპეციალური კომისია შეარჩევს.




 

Print E-mail
FaceBook Twitter
მსგავსი სიახლეები
ქუთაისის მერი, გიორგი ჭიღვარია, სავარაუდოდ,
თანამდებობას ტოვებს.
23:30 / 07.04.2020

ქუთაისის მერი, გიორგი ჭიღვარია, სავარაუდოდ, თანამდებობას ტოვებს.

ჭიათურაში პოლიციამ
18:32 / 07.04.2020
ჭიათურაში პოლიციამ "ქურდული სამყაროს" წევრობისა და "ქურდულ შეკრებაში" მონაწილეობის ბრალდებით 2 პირი დააკავა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.