ახალი ამბები
ჯგუფური ყაჩაღობის ბრალდებით ქუთაისში ერთი პირი დააკავეს
FaceBook
ქუთაისში შშს-ს მიერ ჩატარებული ოპერატიულ-სამძებრო საგამოძიებო მოქმედებების შედეგად, ყაჩაღობაში ეჭვმიტანილი პირი საკუთარ საცხოვრებელ სახლში დააკავეს.

საქართველოს შინაგან საქმეთა სამინისტროს ინფორმაციით, გურიის პოლიციის და იმერეთის, რაჭა-ლეჩხუმისა და ქვემო სვანეთის პოლიციის დეპარტამენტების თანამშრომლებმა, ოპერატიული ინფორმაციის საფუძველზე ერთობლივად ჩატარებული სამძებრო და საგამოძიებო ღონისძიებების შედეგად, წარსულში ორჯერ ნასამართლევი, 1989 წელს დაბადებული სეით ს. ყაჩაღობის ბრალდებით დააკავეს.

გამოძიებამ დაადგინა, რომ 2015 წლის 28 ნოემბერს ნიღბითა და ცეცხლსასროლი იარაღით შეიარაღებული სეით ს. ორ თანამზრახველთან ერთად ჩოხატაურში, გოგებაშვილის ქუჩაზე, ზაალ მ.-ს საცხოვრებელ სახლში შეიჭრა, ოჯახის წევრებს ფიზიკური შეურაცხყოფა მიაყენა და იარაღის მუქარით ფული და ძვირფასეულობა გამოსძალა. ამის შემდეგ სეით ს.-მ და მისმა თანამზრახველებმა ზაალ მ.-ს კუთვნილი ავტომანქანა გაიტაცეს და შემთხვევის ადგილიდან მიიმალნენ. პოლიციამ გატაცებულ ავტომანქანას შემთხვევიდან მეორე დღეს სამტრედიაში, ერთ-ერთ ქუჩაზე მიაკვლია.

სამართალდამცველები სეით ს. თანამზრახველების დაკავების მიზნით შესაბამისი ოპერატიულ-სამძებრო ღონისძიებება ახორციელებენ.

გამოძიება ბინაში უკანონო შეღწევით, ჯგუფურად ჩადენილი ყაჩაღობის ფაქტზე მიმდინარეობს (სსკ-ს 179-ე მუხლის მე-2 ნაწილის "ბ" და "გ", მე-3 ნაწილის "ბ" ქვეპუნქტებით).
Print E-mail
FaceBook Twitter
მსგავსი სიახლეები
16:27 / 05.07.2020
"არ დამიტბორო წინაპრების საფლავი", "დიდი ჰესები უნდა აიკრძალოს",  "ქუთაისი საფრთხეშია" - ამ სლოგანით დღეს სოფელ ნამახვანში 105 მეტრი სიმაღლის ჰესის  მშენებლობის წინააღმდეგ საპროტესტო აქცია გაიმართა.
ქუთაისში, ყოფილი სამხედრო ყაზარმის შენობა
იყიდება.
14:01 / 04.07.2020
ქუთაისში, ყოფილი სამხედრო ყაზარმის შენობა იყიდება.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.