ახალი ამბები
ქუთაისში "ნატახტარის" სადისტრიბუციო ობიექტის გაქურდვა სცადეს
FaceBook
ქუთაისში, ნიკეას დასახლებაში ლუდსახარში "ნატახტარის" სადისტრიბუციო ობიექტის გაქურდვა სცადეს.

უცნობმა პირებმა იმ ოთახში შეაღწიეს, სადაც კომპანიის სეიფი ინახება. თუმცა, მათ სეიფის გატეხვა ვერ მოახერხეს.

კომპანიის თანამშრომელთა თქმით, შემთხვევის შესახებ მას შემდეგ შეიტყვეს, რაც ადგილზე უსაფრთხოების სისტემა ჩაირთო.

"ჩაირთო განგაშის სიგნალი და რომ მოვედით ორი ოთახის კარის საკეტები გატეხილი იყო. სეიფიდან უნდოდათ ფულის აღება, მაგრამ ვერ მოასწრეს გატეხვა, რადგან სიგნალი ოთახში შესვლისთანავე ჩაირთო", - ამბობს კომპანიის თანამშრომელი, შალვა ბურჯანაძე.

მისივე თქმით, ადგილზე სათვალთვალო კამერებიც არის დამონტაჟებული, მაგრამ იმ ტერიტორიაზე, საიდანაც სეიფის ოთახში შეღწევა მოხდა, ვიდეოთვალი არ არის.

ამის მიუხედავად, სამართალდამცავებმა შემთხვევის ადგილიდან კამერების ყველა ჩანაწერი ამოიღეს.

ლუდსახარში "ნატახტარის" სადისტრიბუციო ობიექტის თანამშრომელთა ვარაუდით, ობიექტის გაქურდვას რამდენიმე პირი ცდილობდა.

შინაგან საქმეთა სამინისტროს პრესსამსახურის ინფორმაციით, მომხდარზე საქმე სისხლის სამართლის კოდექსის 177-ე მუხლის მე-19-ე პუნქტით არის აღძრული, რაც გაქურდვის მცდელობას გულისხმობს.
Print E-mail
FaceBook Twitter
მსგავსი სიახლეები
14:43 / 25.05.2024
"ქუთაისიპოსტი" კვირაში რამდენჯერმე შემოგთავაზებთ იმერეთის რეგიონში განხორციელებული იმ პროექტების შესახებ ინფორმაციას, რომლებიც საერთაშორისო პარტნიორების ფინანსური მხარდაჭერით გაკეთდა.
რომ არა დონორების ფინანსური დახმარება, შესაძლოა, დღეს ამ პროექტების დიდი ნაწილი არც განხორციელებულიყო.
ოპოზიციური პარტიები სანქციებთან დაკავშირებით აშშ-ის
სახელმწიფო მდივნის, ენტონი ბლინკენის განცხადებას ეხმაურებიან.
15:10 / 24.05.2024
ოპოზიციური პარტიები სანქციებთან დაკავშირებით აშშ-ის სახელმწიფო მდივნის, ენტონი ბლინკენის განცხადებას ეხმაურებიან.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.