ახალი ამბები
შს მინისტრმა სამტრედიელი და ჭიათურელი მოსწავლეები დააჯილოვა
FaceBook
500–მდე ნახატიდან და ესედან ჟიურიმ 9 გამარჯვებული ავტორი და 21 საუკეთესო ნამუშევარი გამოავლინა.


შინაგან საქმეთა სამინისტროს სოციალური კამპანიის - "შენი გულისთვის, შენი უსაფრთხოებისთვის" ფარგლებში ჩატარებულ ესეებისა და ნახატების კონკურსში იმერეთის რეგიონიდან გამარჯვებულად ორი მოსწავლე გამოვლინდა.

თემაზე "ერთად დავიცვათ საგზაო მოძრაობის წესები, ერთმანეთის გულისთვის"– მომზადებულ ესეების კონკურსში პირველი ადგილი ჭიათურის N2 საჯარო სკოლის მე-11 კლასის მოსწავლეს, ოლანი ბიწაძეს გადაეცა.

შს მინისტრმა, ასევე სამტრედიის N1 საჯარო სკოლის მე-5 კლასის მოსწავლე, გიორგი ხაჟალია დააჯილდოვა, რომელმაც საგზაო მოძრაობის უსაფრთხოებაზე მის მიერ შექმნილი მაკეტი წარმოადგინა.

კონკურსი მთელი ქვეყნის მასშტაბით, თითქმის ყველა სკოლაში ჩატარდა. ფინალურ ეტაპზე გასული 500–მდე ნახატიდან და ესედან ჟიურიმ 9 გამარჯვებული ავტორი და 21 საუკეთესო ნამუშევარი გამოავლინა.

"დანაშაულის პრევენცია, ჯანსაღი სამოქალაქო საზოგადოების ფორმირება პირდაპირ კავშირშია ბავშვებისა და მოზარდების შესაბამის განათლებასთან. ამ მიზნით, მალე საქართველოში პატარებისთვის "უსაფრთხო სოფელი" შეიქმნება, სადაც ბავშვებს მათთვის გასაგებ ენაზე, შემეცნებით-გასართობი მეთოდებით, უსაფრთხოების ძირითად პრინციპებს აზიარებენ," – განაცხადა შს მინისტრმა, გიორგი მღებრიშვილმა.

შსს–მ საგზაო მოძრაობის უსაფრთხოების შესახებ გრძელვადიანი, ფართომასშტაბიანი სოციალური კამპანია გასულ წელს დაიწყო. მისი მიზანი ავტოსაგზაო შემთხვევების პრევენცია და საგზაო მოძრაობის უსაფრთხოების შესახებ საზოგადოების ცნობიერების ამაღლებაა.

Print E-mail
FaceBook Twitter
მსგავსი სიახლეები
დასავლეთ საქართველოსა და მათ შორის
იმერეთის რეგიონში 30-31 მარტის ჩათვლით წვიმაა ნავარუდევი.
10:24 / 30.03.2020
დასავლეთ საქართველოსა და მათ შორის იმერეთის რეგიონში 30-31 მარტის ჩათვლით წვიმაა ნავარუდევი.
17 დღიანი უწყვეტი ძებნის შემდეგ
მაშველებმა ქუთაისში  დაკარგული ტურისტის ცხედარი იპოვეს.
22:04 / 27.03.2020
17 დღიანი უწყვეტი ძებნის შემდეგ მაშველებმა ქუთაისში  დაკარგული ტურისტის ცხედარი იპოვეს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.