ახალი ამბები
წერეთლის უნივერსიტეტში NGO სექტორმა მოხალისეთათვის გამოფენა გამართა
FaceBook
გამოფენა-ფორუმის მიზანი მოხალისეობრივი კულტურის პოპულარიზაციაა.


აკაკი წერეთლის სახელმწიფო უნივერსიტეტში, არასამთავრობო ორგანიზაცია "ჰელფინგ ჰენდი" -ის და "მშვიდობის კორპუსის" ორგანიზებით, მოხალისეთა ყოველწლიური გამოფენა-ფორუმი გაიმართა.

იმერეთის რეგიონში მოქმედმა 20–მდე NGO სექტორის წარმომადგნელმა საკუთარი ორგანიზაციის შესახებ საინფორმაციო ბროშურები და მიმდინარე პროექტები წარმოადგინეს.

გამოფენა-ფორუმის ორგანიზატორების განცხადებით, ღონისძიების მიზანი მოხალისეობრივი კულტურის პოპულარიზაციაა.

"წარმოდგენილი არის სხვადასხვა არასამთავრობო ორგანიზაციები, სადაც ნებისმიერ ახალგაზრდას შეუძლია მოხალისედ ჩაეწეროს. მათ შენსი აქვთ მიიღონ საჭირო ინფორმაცია იმ საზოგადოებრივი სიკეთეების შესახებ, რაც მოხალისეობრივი პროექტების შედეგად მიიღება," - განაცხადა არასამთავრობო ორგანიზაცია"ჰელფინგ ჰენდი" -ის აღმასრულებულმა დირექტორმა, თინათინ მესხმა.

გამოფენა-ფორუმში მონაწილეობს ქუთაისში მოქმედი არასამთავრობო ორგანიზაცია "თაობათა დილოგი", რომელმაც მსურველებს საკუთარი პროექტები წარუდგინა.

"ახალგაზრდებს გავაცანით ჩვენი გეგმები და ის შესაძლებლობები, თუ როგორ შეიძლება გახდნენ პროექტის მონაწილეები," - განაცხადა "თაობათა დიალოგის" გამგეობის წევრმა, ციცინო ძაგუამ.

წერეთლის უნივერსიტეტის სტუდენტი, ანა გაბისიანი ქუთაისში არსებული სკაუტთა ასოციაცია "დია" დაინტერესდა და მოხალისობაზე განაცხადი შეავსო.

"თითქმის ყველა არასამთავრობო ორგანიზაციის გეგმებს გავეცანი, მაგრამ სკაუტთა ასოციაცია და ეკოლოგია ჩემთვის ძალიან საინტერესოა. მინდა, რომ მსგავსი გამოფენები ხშირად ჩატარდეს," - განაცხადა ანა გაბისიანმა.

აკაკი წერეთლის სახელმწიფო უნივერსიტეტში მოხალისეთა გამოფენა-ფორუმი დღეს დასრულდება.
Print E-mail
FaceBook Twitter
მსგავსი სიახლეები
საჯარო სკოლებში 2023-2024 სასწავლო წელი დასრულდა.
11:19 / 14.06.2024
საჯარო სკოლებში 2023-2024 სასწავლო წელი დასრულდა.
რუსული ავიაკომპანია Azimuth-ი რუსეთთან პირდაპირ რეისებს ქუთაისის
საერთაშორისო აეროპორტიდანაც შეასრულებს.
09:40 / 14.06.2024
რუსული ავიაკომპანია Azimuth-ი რუსეთთან პირდაპირ რეისებს ქუთაისის საერთაშორისო აეროპორტიდანაც შეასრულებს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.