ახალი ამბები
გოგი წულაია - ყველგან გავმართავ ბრიფინგს, სადაც საჭირო იქნება
FaceBook
პარტია "თავისუფალი საქართველოს" იმერეთის ორგანიზაცია ქუთაისში, თაბუკაშვილის ქუჩაზე მწყობრიდან გამოსული გზის საფარის არსებობას აპროტესტებს.

ორგანიზაციის ხელმძღვანელის, გოგი წულაიას განცხადებით, ამავე ქუჩაზე, წყალგაყვანილობის სისტემის სარეაბილიტაციო სამუშაოების გამო, გზის საფარი ამორტიზებულ მდომარეობაშია დატოვებული.

მისივე თქმით, თაბუკაშვილის ქუჩის დასახლებაში წყლის სისტემის რეაბილიტაცია დაახლოებით ერთი წლის წინ დაიწყო, ხოლო ბოლო 4 თვეა ადგილზე აღარავინ გამოჩენილა.

"მოვუწოდებ მერიას მიიყვანოს ბოლომდე ინფრასტრუქტურული პროექტები, წინააღმდეგ შემთხვევაში, ყველგან გავმართავ ბრიფინგს, სადაც საჭირო იქნება. ასეთი ვითარებაა ყველგან, მთელი ქალაქის მასშტაბით. გადათხრიან და მერე მიატოვებენ. არავინ პასუხისმგებლობას ამაზე არ იღებს", - ამბობს გოგი წულაია.

ადგილობრივ თვითმმართველობაში განმარტავენ, რომ წყლის სისტემის სარეაბილიტაციო სამუშაოების დროს დაზიანებული გზის საფარის აღდგენა ქუთაისის მერიის კომპეტენცია არ არის.

თურქულ კომპანია "SMK" -ში კი, რომელიც თაბუკაშვილის ქუჩაზე წყლის სისტემის სარეაბილიტაციო სამუშაოებს ახორციელებს, ამბობენ, რომ გზის აღდგენა ტექნიკური მიზეზების გამო შეფერხდა.

"ნაწილობრივ ტექნიკური მიზეზებით, ნაწილობრივ ამინდის გამო შეფერხდა სამუშაოების დასრულება, თუმცა ივნისის ბოლომდე სრულად აღდგება გზის საფარი აღნიშნულ ქუჩაზე", - განაცხადა ქუთაისიპოსტთან საუბარში კომპანია "SMK"- ს წარმომადგენელმა, ნუგზარ ლელაძემ.

თურქული კომპანია ქუთაისში წყლის სისტემის სარეაბილიტაციო სამუშაოებს გასული წლის ივლისიდან ახორციელებს.

Print E-mail
FaceBook Twitter
მსგავსი სიახლეები
საჯარო სკოლებში 2023-2024 სასწავლო წელი დასრულდა.
11:19 / 14.06.2024
საჯარო სკოლებში 2023-2024 სასწავლო წელი დასრულდა.
რუსული ავიაკომპანია Azimuth-ი რუსეთთან პირდაპირ რეისებს ქუთაისის
საერთაშორისო აეროპორტიდანაც შეასრულებს.
09:40 / 14.06.2024
რუსული ავიაკომპანია Azimuth-ი რუსეთთან პირდაპირ რეისებს ქუთაისის საერთაშორისო აეროპორტიდანაც შეასრულებს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.