ახალი ამბები
ქუთაისის მერია თემურ ცამციშვილისგან 6000 ლარის გადახდას ითხოვს
FaceBook
პოლიტიკური ცენტრი "გირჩი" მომხდარს პოლიტიკურ ზეწოლად აფასებს

ქუთაისის მერია პოლიტიკური ცენტრის "გირჩის" ქუთაისის ოფისის ხელმძღვანელს 6000 ლარის გადახდას თხოვს. შესაბამისი წერილი პარტიის ოფისში უკვე მიიღეს. წერილში მერია თანხის დაფარვას 30 დღის ვადაში ითხოვს.

საქმე ეხება, ქუთაისის მერიის სპორტისა და ახალგაზრდობის საქმეთა სამსახურის ყოფილი უფროსის თემურ ცამციშვილის მიმართ, ქუთაისის სააპელაციო სასამართლოს 2015 წლის 21 აპრილის განაჩენს, რომლის მიხედვითაც, თემურ ცამციშვილს, ჯარიმის სახით 6000 ლარის გადახდა დაეკისრა.

"გირჩის" ქუთაისის ოფისის ხელძღვანელი ამბობს, განაჩენს არ ეთანხმება, მაგრამ ამის მიუხედავად, თანხას ეტაპობრივად იხდის, როგორც მას აღსრულების ბიურომ განწილადების შედეგად დაუდგინა.

ამის პარალელურად კი, ქუთაისის მერიის მიერ იგივე თანხის გადახდის ვალდებულების დაკისრებას, ცამციშვილი არაკანონიერად მიიჩნევს და ფაქტს პოლიტიკურ ზეწოლად აფასებს.

"შოთა მურღულიამ ამ საქმით დაიწყო მისი კარიერა ქუთაისში და ამავე საქმით დაასრულებს. მისი მხრიდან ამ თანხის გადახდის მოთხოვნა არის პასუხი ჩვენ პოლიტიკურ გააქტიურებაზე და ამასთანავე არის არაკომპეტენტურობის გამოვლინება, რადგან, მერიას სასამართლოს გვერდის ავლით მსგავსი ვალდებულების დაკისება არ შეუძლია",-აბობს თემურ ცამციშვილი.

2012 წელს, თემურ ცამციშვილს, ქუთაისის მერია ადმინისტრაციული რესურსის ბოროტად გამოყენებაში ადანაშაულებდა. საქმის მიხედვით, ცამციშვილმა ადგილობრივი ბიუჯეტიდან დაფინანსებული საწვავით განსაზღვრულზე 20 კილომეტრით მეტი გაიარა.


Print E-mail
FaceBook Twitter
მსგავსი სიახლეები
12:33 / 13.07.2024
"ქუთაისიპოსტი" კვირაში რამდენჯერმე შემოგთავაზებთ იმერეთის რეგიონში განხორციელებული იმ პროექტების შესახებ ინფორმაციას, რომლებიც საერთაშორისო პარტნიორების ფინანსური მხარდაჭერით გაკეთდა.
ამბროლაურის მუნიციპალიტეტის სოფელ ჩორჯოში, ადამიანზე ცოფის,
ლაბორატორიულად დადასტურებული, შემთხვევა დაფიქსირდა.
11:14 / 13.07.2024
ამბროლაურის მუნიციპალიტეტის სოფელ ჩორჯოში, ადამიანზე ცოფის, ლაბორატორიულად დადასტურებული, შემთხვევა დაფიქსირდა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.