მთავრობის ყოფილი სახლი  ქუთაისში უყურადღებობით ნადგურდება.

მინისტრთა კაბინეტის მუშაობისთვის ქუთაისში აშენებული შუშის შენობა 2012 წელს  გაიხსნა.  80 მილიონი ლარის ღირებულების  შენობაში შესაბამის უწყებას არცერთი დღე არ იმუშავია. რადგან, 2013 წელს, "ოცნების" ხელისუფლებამ  მთავრობის სახლი არაკომფორტულად გამოცხადა და დაიკეტა.

მხოლოდ გარეკვეული პერიოდი 59-ე ქუთაისის საოლქო საარჩევნო კომისიამ იმუშავა. 

2020 წელს არსებობდა მსჯელობა ქუთაისის მერიის ადმინისტრაციული შენობის გადატანაზე, თუმცა გადაწყვეტილება არ მიღებულა. საპარტნიორო ფონდში, რომელსაც შენობა გადაეცა,  ქუთაისიპოსტთან საუბარში განმარტავდნენ, რომ 

„ამ საკითხზე მიმდინარეობს მსჯელობა, თუ რა ფუნქცია უნდა მოეძებნოს შენობას. ერთ-ერთ ვარიანტად განიხილება მერიის გადმოწევა, თუმცა ჯერჯერობით გადაწყვეტილება მიღებული არ არის.“ 

მთავრობის ყოფილი სახლი ერთ-ერთია იმ უწყებებს შორის, რომლებიც „ოცნების“ ხელისუფლებამ იმავე თანმიმდევრობით დააბრუნა თბილისში, რა თანმიმდევრობითაც ადრე ქუთაისში გადაიტანეს.