ქუთაისიპოსტი

2024 წლის აღწერის მონაცემებით, ქუთაისში ქალების წილი მოსახლეობაში 54%-ს შეადგენს, რაც ქვეყნის მასშტაბით ერთ-ერთი მაღალი მაჩვენებელია.
დაზუსტებული მონაცემების მიხედვით, 2024 წლის 14 ნოემბრის მდგომარეობით, საქართველოს მოსახლეობის რიცხოვნობამ 3 929 581 ადამიანი შეადგინა.  ინფორმაციას საქართველოს სტატისტიკის ეროვნული სამსახური ავრცელებს.

მოსახლეობის საერთო სტრუქტურაში 52% (2 048 577) ქალია, ხოლო 48% (1 881 004) — კაცი. ქალების წილი ასევე მაღალია თბილისში, ხოლო შედარებით დაბალია ქედის, ხელვაჩაურის, ხარაგაულის, საგარეჯოსა და მარნეულის მუნიციპალიტეტებში, სადაც 49%-ს შეადგენს.

აღწერის შედეგებით, მოსახლეობის 62% (2 442 231) საქალაქო ტიპის დასახლებებში ცხოვრობს, ხოლო 38% (1 487 350) — სასოფლო დასახლებებში. ამ მხრივ, თბილისი ლიდერობს და ქვეყნის მოსახლეობის 34% (1 331 485 ადამიანი) იქ ცხოვრობს. რეგიონებს შორის, მოსახლეობის რაოდენობით იმერეთი (510 741) და ქვემო ქართლი (441 630) გამოირჩევიან.

მოსახლეობის რიცხოვნობის მიხედვით მეორე და მესამე ადგილს იკავებენ იმერეთის (510 741 კაცი) და ქვემო ქართლის (441 630 კაცი) რეგიონები,
რომლებზეც  შესაბამისად მოსახლეობის 13 და 11 პროცენტი მოდის.