ქუთაისიპოსტი

ცესკოს წინასწარი მონაცემებით, ქუთაისის მუნიციპალიტეტის საკრებულოში 4 პოლიტიკური პარტია მოხვდა.

აქედან, ხმების 77.55% (36 047 ხმა)  "ქართულმა ოცნებამ" მიიღო;

5.7% (2 661 ხმა) - პარტია "გირჩმა";

5.7% (2659 ხმა ) - პარტია "ლელომ";

4.5% (2114 ხმა) კი - პარტიამ "გახარია საქართველოსთვის" მიიღო.

შესაბამისად, არსებული წინასწარი მონაცემებით, ახალ, მერვე მოწვევის 25-კაციან ქუთაისის საკრებულოში 22 დეპუტატი "ქართულ ოცნებას", თითო-თითო დეპუტატი კი ბარიერგადალახულ ოპოზიციას ეყოლება. 

4 ოქტომბრის ადგილობრივ თვითმმართველობის არჩევნებზე, ქუთაისში, პარტიული სია 8 პარტიას ჰქონდა წარმოდგენილი.

ცესკოს საბოლოო მონაცემები მომდევნო კვირას გახდება ცნობილი.

ცესკოს მიერ საკრებულოს ახალი წევრების უფლებამოსილების ცნობის შემდეგ, ძველი, მეშვიდე მოწვევის საკრებულო უფლებამოსილებას დაკარგავს.

4 ოქტომბერს საქართველოში ადგილობრივი თვითმმართველობის არჩევნები ჩატარდა.

საქართველოს მოქალაქეები 64 მერს და 64 საკრებულოს 2 058 წევრს ირჩევდნენ.

ქვეყნის მასშტაბით, ამომრჩეველთა საერთო რაოდენობამ 3 513 818 შეადგინა, სულ გახსნილი იყო 3 061 საარჩევნო უბანი.