ქუთაისიპოსტი

24-25 ოქტომბერს, ქუთაისში, ევროპის დღეები აღინიშნება.

მასტერკლასები და გამოფენები; საინტერესო საუბრები; კინოჩვენება; საგანმანათლებლო თამაშები და აქტივობები; ევროპული ლიტერატურის გმირების ამბები; საფეხმავლო და ველო ტურები; გასტრონომიული გამოცდილება; მწვანე კუთხე; ცოცხალი მუსიკა და ბევრი სხვა - სწორედ ეს აქტივობები დახვდებათ ევროპის დღეებზე მისულ სტუმრებს.

უფრო კონკრეტულად, ევროპის დღის პროგრამა, ორი დღის განმავლობაში, შემდეგ ღონისძიებებს მოიცავს:

24 ოქტომბერი:

12:00 - ველომსვლელობა - 12კმ-იანი მარშრუტი ქალაქის გარშემო. შეკრების ადგილი: 1 ნიუპორტის ქუჩა (სასტუმრო ნიუპორტთან)

12:00 - 18:00 – ევროპის დღის ბაზარი წარმოგიდგენთ ადგილობრივ არტიზანულ პროდუქტებს და უნიკალურ ხელნაკეთ ნივთებს. კაფე “ლილესთან” (თამარ მეფის ქუჩა 11)

14:00 - ღონისძიების ოფიციალური გახსნა - რესტორანი "გალა" (ზაქარია ფალიაშვილი ქუჩა 29)

15:00–16:30 – საუბრები: ქალები, როგორც ცვლილებების მამოძრავებლები. ტარდება გაეროს ქალთა ორგანიზაციასთან თანამშრომლობით. რესტორანი "გალა" (ზაქარია ფალიაშვილი ქუჩა 29)

15:00–18:00 – აუდიოვიზუალური გამოფენა „ეს ქვეყანა შენია“ . სასტუმრო "სოლომონი" (ხახანაშვილის ქუჩა 10)

15:30–17:00 – დოკუმენტური ფოტოგრაფიის მასტერკლასი ნათელა გრიგალაშვილთან ერთად – "თვალით დანახული ისტორია". სასტუმრო "სოლომონი" (ხახანაშვილის ქუჩა 10)

17:00–18:30 – ფოტოგამოფენა “10 წელი ფოკუსში” – წარმოგიდგენთ კონკურსის - „ევროკავშირის პრიზი ჟურნალისტიკაში“ გამარჯვებულ დოკუმენტურ ფოტოებს. წიგნების თაობა (აკაკი წერეთლის ქუჩა 19)

19:00–21:00 – დოკუმენტური ფილმის ჩვენება “ქუთაისური ტალღა”– რეჟისორი: ანა აბაკელია. ფილმი ასახავს 1990-იანი წლების ქუთაისის ალტერნატიულ კულტურულ მოძრაობას. ფილმი შექმნილია ევროკავშირის EU4Culture პროექტის მხარდაჭერით. კლუბი რეფლექტორი (თამარ მეფის ქუჩა 57)

25 ოქტომბერი:

11:00–12:30 – საფეხმავლო ტური “ევროპული ქუთაისი” ხვიჩა ვაშაყმაძესთან ერთად. შეკრების ადგილი: თეთრი ხიდი

13:00–17:00 – ევროპული გემო – გაეცანით ევროკავშირის წევრი ქვეყნების მდიდარ სამზარეულოს. კაფე “დები” (ზაქარია ფალიაშვილის ქუჩა 35)

14:00–17:00 – ევროპული ლიტერატურის საყვარელი საბავშვო პერსონაჟების ამბების თხრობა, თამაშები და შემოქმედებითი აქტივობები. წიგნების თაობა (აკაკი წერეთლის ქუჩა 81)

15:00–17:00 – საგანმანათლებლო თამაში “წიგნის თარო” ევროპის შესახებ. ქართულ-ამერიკული საერთაშორისო სკოლა პროგრესი (დავით აღმაშენებლის გამზირი 20)

12:00–17:00 – ინტერაქტიური და საგანმანათლებლო თამაშები – ევროკავშირის პროექტების მიერ მომზადებული აქტივობები. ქართულ-ამერიკული საერთაშორისო სკოლა პროგრესი (დავით აღმაშენებლის გამზირი 20)

12:00–17:00 - მწვანე კუთხე - საგანმანათლებლო და სახალისო აქტივობები გარემოს დაცვისა და კლიმატის ცვლილებების შესახებ. ქართულ-ამერიკული საერთაშორისო სკოლა პროგრესი (დავით აღმაშენებლის გამზირი 20)

18:00–21:00 – ევროპის დღეებს დაასრულებს კონცერტი. გავატაროთ საღამო Mechanical Rainbow-სთან და Will Kolak-თან ერთად. "კოლიზეუმი" (დავით აღმაშენებლის ქუჩა 22ბ).

"შემოგვიერთდით, ერთად აღვნიშნოთ ევროპის დღე ქუთაისში – ცოდნის, ტრადიციების და ნამდვილი ევროპული სულის მქონე ქალაქში. გელოდებით მეგობრებთან და ოჯახის წევრებთან ერთად!",- განმარტავენ ორგანიზატორები.

ღონისძიებებზე დასწრება თავისუფალია.