ოპოზიციური პარტიის, "კოალიცია ცვლილებისთვის" ლიდერს, ნიკა
გვარამიას, 8-თვიანი პატიმრობა მიუსაჯეს.
გვარამიას "ქართული ოცნების" მიერ შექმნილ დროებით საგამოძიებო
კომისიაში გამოუცხადებლობას ედავებიან.
პოლიტიკოსს მომდევნო ორი წლის განმავლობაში თანამდებობის დაკავებაც
აუკრძალეს.
მოსამართლე ჯვებე ნაჭყებიამ განაჩენი დღეს, 1 ივლისს, გამოაცხადა.
ნიკა გვარამია 13 ივნისის შემდეგაა პატიმრობაში - გვარამია თავად
მივიდა რუსთავის პენიტენციურ დაწესებულებასთან, დარეკა საპატრულო
პოლიციაში და აცნობა სად იყო. ის კრიმინალურმა პოლიციამ ციხის წინ
დააკავა.
პატიმრობის მიუხედავად, დროებითმა საგამოძიებო კომისიამ, რომლის
თავმჯდომარეც თეა წულუკიანია, გვარამია კიდევ ერთხელ
დაიბარა. პოლიტიკოსმა კიდევ ერთხელ თქვა უარი გამოკითხვაზე
მისვლაზე და ამის გამო მისი საქმე პროკურატურაში
გადაგზავნეს.
კომისიაში გამოუცხადებლობის გამო სისხლის სამართლის საქმე აღიძრა რვა
პოლიტიკოსის წინააღმდეგ. რვავე პატიმრობაშია. მათგან შვიდის
წინააღმდეგ (ზურაბ ჯაფარიძე, ნიკა მელია, ნიკა გვარამია, ბადრი
ჯაფარიძე, მამუკა ხაზარაძე, გივი თარგამაძე, გიორგი ვაშაძე) უკვე
გამოცხადდა განაჩენი, ერთს კი (ირაკლი ოქრუაშვილი) პატიმრობა აღკვეთის
ღონისძიებად აქვს შეფარდებული.
მასალის გამოყენების პირობები