ახალი ამბები
საქართველოს ზოგადი ადმინისტრაციული კოდექსის მე-40 მუხლი კი განმარტავს:
ქუთაისის მერიის უპასუხო წერილები
12:03 / 12.03.2025
ქუთაისის მერია დიდი ხანია მედიის
და შესაბამისად, საზოგადოების წინაშე თავს ანგარიშვალდებულად არ
თვლის.
წლების განმავლობაში, ადგილობრივი
თვითმმართველობისგან ინფორმაციის მიღება სულ უფრო რთულდებოდა, ბოლოს
კი პრაქტიკულად, შეუძლებელი გახდა. ამის ნათელი დადასტურებაა
ქუთაისიპოსტის მიერ მერიისთვის გაგზავნილი და უპასუხოდ დატოვებული
წერილები. ვადების დარღვევის შესახებ არაერთი შეხსენების მიუხედავად,
მერიის შესაბამისი სამსახურები შეკითხვებზე პასუხების გაცემის
ვალდებულებას არ გრძნობენ.
ქუთაისიპოსტს უამრავი
პასუხგაუცემელი წერილი დაუგროვდა, რომელთა ნაწილი იმდენად ძველია, რომ
მათში მოთხოვნილმა ინფორმაციამ აქტუალობა დაკარგა. ზოგიერთი წერილის
გაგზავნიდან თითქმის ერთი წელია გასული, თუმცა, ადგილობრივ
თვითმმართველობას ვერც ეს გარემოება აიძულებს დაკისრებული მოვალეობა
შეასრულოს. მერია არც შუალედურ პასუხს აგზავნის, სადაც უნდა
განიმარტოს წერილის დაგვიანების მიზეზი.
ადგილობრივი თვითმმართველობა
ინფორმაციას არ გვაწვდის ისეთ მნიშვნელოვან საკითხებზე, როგორიცაა
მერიასა და მასზე დაქვემდებარებულ საბიუჯეტო ორგანიზაციებში
დასაქმებულთა რაოდენობა, მათი შრომის ანაზღაურება, შვებულება,
მუსიკალურ-გასართობი ღონისძიებების ხარჯები, უცხოური ორგანიზაციების
მიერ დაფინანსებული ინფრასტრუქტურული/სოციალური პროექტები და სხვა.
თითქმის ორი თვეა მერია არ გვაწვდის ცენტრალური ბულვარის
რეაბილიტაციის პროექტს, რომლის დასრულების ვადებმაც ორჯერ
გადაიწია.
საქართველოს ზოგადი ადმინისტრაციული კოდექსის მე-40 მუხლი კი განმარტავს:
მუხლი 40. საჯარო
ინფორმაციის გაცემა
1. საჯარო დაწესებულება ვალდებულია
გასცეს საჯარო ინფორმაცია, მათ შორის, ელექტრონული ფორმით მოთხოვნილი
საჯარო ინფორმაცია, დაუყოვნებლივ ან არა უგვიანეს 10
დღისა.
2. თუ საჯარო ინფორმაციის
გაცემისათვის საჭიროა 10 დღიანი ვადა, საჯარო დაწესებულება ვალდებულია
მოთხოვნისთანავე აცნობოს ამის შესახებ განმცხადებელს.
3. საჯარო ინფორმაციის პროაქტიულად
გამოქვეყნება არ ათავისუფლებს საჯარო დაწესებულებას იმავე ან სხვა
საჯარო ინფორმაციის მოთხოვნის შემთხვევაში მისი დადგენილი წესით
გაცემის ვალდებულებისგან.
უარყოფითი პრაქტიკის მიუხედავად,
ქუთაისიპოსტი კვლავ ცდილობს ადგილობრივი თვითმმართველობისგან
პასუხების მიღებას საზოგადოებისთვის მნიშვნელოვან
კითხვებზე.
მსგავსი სიახლეები
12:25 / 28.04.2025
გარემოს ეროვნული სააგენტოს მოკლევადიანი პროგნოზების სამმართველოს
უფროსის, დოდო გვაზავას ინფორმაციით, დასავლეთ საქართველოში,
მიმდინარე კვირას, ძირითადად, უნალექო ამინდია მოსალოდნელი.
14:58 / 26.04.2025
საჩხერის რაიონულმა სასამართლომ „ჯორჯიან მანგანეზის“ კონტრაქტორი
კომპანიის გადაწყვეტილება, რომლითაც შუქრუთის პროტესტის მონაწილე
ჯუმბერ ცუცქირიძე სამსახურიდან გაათავისუფლეს, უკანონოდ ცნო.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები