ახალი ამბები
ნიკა ლატარია -"მიწების გაცვლაში კეთილი განზრახვით ვმონაწილეობდი"
FaceBook
ლატარია  კაფე-ბარის მშენებლობაში პირადი ინტერესის არსებობას უარყოფს

ქუთაისის საკრებულოს თავმჯდომარის მოადგილე ნიკოლოზ ლატარია, ქუთაისში, ოქროს ჩარდახთან ორსართულიანი კაფე-ბარის მშენებლობაში პირადი ინტერესის არსებობას უარყოფს, თუმცა, ამბობს, რომ სამი ოთარის ძეგლისა და ოქროს ჩარდახის მიმდებარე ტერიტორიების გაცვლაში მონაწილეობა მიიღო.

"რადგან სამი ოთარის ძეგლის მიმდებარე ტერიტორიასთან დაკავშირებული საკითხი ამ დრომდე ვერ მოგვარდა, მე შევთავაზე ქალაქის მერს საკრებულოზე გამოეტანა საკითხი და მომხდარიყო ამ მიწის გადაცვლა ოქროს ჩარდახის მიმდებარედ 300 კვადრატულ მეტრ   მიწაზე, სადაც ახლა კაფე-ბარი შენდება. ამ საქმეში მონაწილეობა მხოლოდ ამ კონტექსტში მივიღე, მხოლოდ კეთილი განზრახვით. არავითარი ბიზნესინტერესი მე იქ არ მაქვს",- ამბობს ლატარია "ქუთაისი პოსტთან" საუბარში.

მისივე თქმით, წლების წინ, როცა სამი ოთარის ძეგლის მიმდებარე ტერიტორია იჯარით გაიცა და იქ სასტუმროს მშენებლობა იგეგმებოდა, მას, როგორც ბიზნესმენს  მონაწილეობა შესთავაზეს, მაგრამ მოსახლეობისა და სამოქალაქო სექტორის პროტესტის გამო, ამ კონკრეტულ ბიზნესში ჩართვაზე უარი განაცხადა.

ნიკოლოზ ლატარია, სამი ოთარის ძეგლისა და ოქროს ჩარდახის მიმდებარე ტერიტორიების კორუფციული გზით გაცვლაში, არასამთავრობო ორგანიზაცია "ევროპა ჩვენი სახლიას" წარმომადგენლებმა დაადანაშაულეს.

ლატარიასთან ერთად, ქალაქის ქონების კორუფციული სქემით განკარგვის მონაწილეებად "საქართველოს პატრიოტთა ალიანსის" ქუთაისის ორგანიზაციის თავმჯდომარე გოჩა თევდორაძე და ქალაქის მერი შოთა მურღულია დასახელდნენ.

ბრალდებებს არ პასუხობს შოთა მურღულია.

Print E-mail
FaceBook Twitter
მსგავსი სიახლეები
პროკურატურამ, ქუთაისში, დიდი ოდენობით ნარკოტიკული საშუალების
უკანონო შეძენა, შენახვის და გასაღების ფაქტზე, ინდოეთის რესპუბლიკის
ორ მოქალაქეს ბრალდება წარუდგინა.
15:53 / 23.02.2024
პროკურატურამ, ქუთაისში, დიდი ოდენობით ნარკოტიკული საშუალების უკანონო შეძენა, შენახვის და გასაღების ფაქტზე, ინდოეთის რესპუბლიკის ორ მოქალაქეს ბრალდება წარუდგინა.
14:13 / 23.02.2024
"თავისუფლების ფერები" - ამ სახელწოდებით, ქუთაისში, 24 თებერვალს, აქცია დაიგეგმა

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.