ქუთაისში, რუსთაველისა და თეთრ ხიდზე, საქართველოს ევროპული
მომავლისთვის, ერთობის ჯაჭვი გაკეთდება.
ამ ფორმით, მოქალაქეები კიდევ ერთხელ მოითხოვენ ახალი საპარლამენტო
არჩევნების დანიშვნას და აქციების მიმდინარეობისას დაკავებულთა
გათავისუფლებას.
"ასევე, ვუცხადებთ პროტესტს ივანიშვილის მიერ დასმული არალეგიტიმური
პრეზიდენტის ე.წ. ინაუგურაციას, რომელიც რეჟიმის დადგმული
ფარსია. ახალი საპარლამენტო არჩევნები პოლიტიკური კრიზისიდან
გამოსვლის ერთადერთი გზაა!",- ამბობენ აქციის
ორგანიზატორები.
"ერთობის ჯაჭვი საქართველოსთვის”, 28 დეკემბერს, 15:00-ზე,
საქართველოს ქალაქებისა და სოფლების ცენტრალურ ხიდებზე,
მოედნებზე და გამზირებზე გაკეთდება.
"გავაკეთოთ “ერთობის ჯაჭვი საქართველოსთვის”. დები, ძმები, ნებით
ვდგებით ერთმანეთის ხიდებად. ჩავდგებით ერთსაათიან ჯაჭვში",-
ამბობენ აქციის მონაწილეები.
პროევროპული აქციები საქართველოში 2-ე დღეა იმართება.
თბილისსა და საქართველოს სხვა ქალაქებში საპროტესტო გამოსვლები 28
ნოემბრიდან დაიწყო, მას შემდეგ, რაც „ქართული ოცნების" ხელისუფლებამ
გადაწყვიტა, 2028 წლის ბოლომდე დღის წესრიგში არ დააყენოს
ევროკავშირთან მის წევრობაზე მოლაპარაკების გახსნის საკითხი.
საპროტესტო აქციების მონაწილეები ხელისუფლებას ევროინტეგრაციის
პროცესის შეჩერებაში ადანაშაულებენ. ამიტომ ითხოვენ ხელახალი
საპარლამენტო არჩევნების ჩატარებას და საპროტესტო აქციებზე
დაკავებულთა გათავისუფლებას.
მასალის გამოყენების პირობები