ქუთაისიპოსტი

ქუთაისში, 26 ოქტომბრის არჩევნებისთვის გახსნილ სპეცუბანზე ხმა 211-მა ამომრჩეველმა მისცა.

ქუთაისის #59-ე საოლქო-საარჩევნო კომისიის თავმჯდომარის, ლარინა ლალიაშვილის ინფორმაციით,
ამ ხმებიდან 182 ხმა "ქართულმა ოცნებამ" მიიღო, “კოალიცია ცვლილებებისთვის” წარმომადგენლებმა 5 ხმა მიიღეს, “ერთიანობა – ნაციონალურმა მოძრაობამ”- 8 ხმა მიიღო, “ძლიერმა საქართველომ” – 6 ხმა, პარტიამ “გახარია საქართველოსთვის” კი – 1 ხმა. ამასთან, 2 ბიულეტენი ბათილად იქნა ცნობილი.

ქუთაისში, 26 ოქტომბრის არჩევნებში, 5%-იანი ბარიერი 5-მა პარტიამ გადალახა:"ქართულმა ოცნებამ", "ერთიანობა -ნაციონალურმა მოძრაობამ", პოლიტიკურმა გაერთიანებამ "კოალიცია ცვლილებებისთვის", "ძლიერმა საქართველომ" და პარტიამ "გახარია საქართველოსთვის".

ქუთაისში არჩევანი 81 242 ადამიანმა დააფიქსირა, რაც ქალაქში რეგისტრირებული ამომრჩევლების 53,27%-ს შეადგენს.

ქუთაისში სულ 72 საარჩევნო უბანი და აქედან ერთი სპეცუბანი (ქუთაისის #2 სასჯელაღსრულების დაწესებულებაში) იყო გახსნილი.

26 ოქტომბერს, საქართველოში, საპარლამენტო არჩევნები გაიმართა.