ახალი ამბები
აქციას, რიგით მოქალაქეებთან ერთად, ქუთაისელი არტისტები: Kvadrati, Red Wine, ვიპლიკები და SKAZZ-ი შეურთდებიან.
"ქართველი ხალხის უწყვეტი პროტესტის, ჩვენი მეგობარი ევროკავშირის წევრი ქვეყნებისა და შტატების მკაფიო პოზიციების მიუხედავად, საქართველოს პარლამენტს დღეს მეორე მოსმენაზე გააქვს რუსული კანონი. დედაქალაქში უწყვეტი პროტესტის პარალელურად, ქუთაისში ყოველდღე იმართება საპროტესტო აქცია, რომელსაც ყოველდღიურად ემატებიან თვითორგანიზებული ადამიანები.
29 აპრილს, 19:00 სთ-ზე, ყველას, ვინც ირჩევთ საქართველოს ევროპულ მომავალს, გელოდებით ერთ-ერთ ყველაზე ევროპულ ქალაქში (ლადო მესხიშვილის თეატრის წინ)",- აცხადებენ აქციის ორგანიზატორები.
დღეს საღამოს 20:00 საათზე "ოცნება" პარლამენტის სასახლის წინ, რუსულ კანონთან დაკავშირებით, საყოველთაო-სახალხო შეკრებას მართავს. ცნობილია ისიც, რომ აქციას დაესწრება თავად ბიძინა ივანიშვილიც.
„უცხოური გავლენის გამჭვირვალობის შესახებ“ კანონპროექტი, რომელიც ფრაქცია "ქართული ოცნების" სახელით არის რეგისტრირებული, შინაარსით გასულ წელს ინიცირებული და საპროტესტო აქციების შედეგად გაწვეული პროექტის ანალოგიურია.
კანონპროექტის მიხედვით, ორგანიზაციებს, რომლებიც დაფინანსების 20%-ზე მეტს უცხოეთიდან იღებენ „უცხოური ძალის ინტერესების გამტარებლის“ სტატუსი მიენიჭებათ. კანონპროექტი უცხოური ძალის ინტერესების გამტარებელ ორგანიზაციად რეგისტრაციის ვალდებულებას ადგენს, რომლის დარღვევისთვის ფინანსური სანქციებია გათვალისწინებული.
ანალოგური შინაარსის კანონი რუსეთშიც მოქმედებს, რაც დამოუკიდებელი მედიასაშუალებებისა და საზოგადოებრივი ორგანიზაციების ფაქტობრივი გაქრობის მიზეზი გახდა.
ამ კანონს, რომლის მიზანიც ქვეყანაში დასავლური დაფინანსების მქონე ორგანიზაციების დისკრედიტაცია და შეზღუდვაა, საქართველოში არაერთი საზოგადოებრივი ჯგუფი ეწინააღმდეგება. ამასთან, წინააღმდეგია აშშ, ევროკავშირი და არაერთი დასავლური ორგანიზაცია.
არა რუსულ კანონს! - ქუთაისში, დღეს, აქცია-კონცერტი გაიმართება
13:41 / 29.04.2024
დღეს, 29 აპრილს, ქუთაისში, მესხიშვილის თეატრის წინ,
რუსული კანონის წინააღმდეგ აქცია-კონცერტი გაიმართება.
აქციას, რიგით მოქალაქეებთან ერთად, ქუთაისელი არტისტები: Kvadrati, Red Wine, ვიპლიკები და SKAZZ-ი შეურთდებიან.
აქციაზე შეკრებილების მთავარი სათქმელი ერთი იქნება: არა რუსულ
კანონს!
"ქართველი ხალხის უწყვეტი პროტესტის, ჩვენი მეგობარი ევროკავშირის წევრი ქვეყნებისა და შტატების მკაფიო პოზიციების მიუხედავად, საქართველოს პარლამენტს დღეს მეორე მოსმენაზე გააქვს რუსული კანონი. დედაქალაქში უწყვეტი პროტესტის პარალელურად, ქუთაისში ყოველდღე იმართება საპროტესტო აქცია, რომელსაც ყოველდღიურად ემატებიან თვითორგანიზებული ადამიანები.
29 აპრილს, 19:00 სთ-ზე, ყველას, ვინც ირჩევთ საქართველოს ევროპულ მომავალს, გელოდებით ერთ-ერთ ყველაზე ევროპულ ქალაქში (ლადო მესხიშვილის თეატრის წინ)",- აცხადებენ აქციის ორგანიზატორები.
დღეს საღამოს 20:00 საათზე "ოცნება" პარლამენტის სასახლის წინ, რუსულ კანონთან დაკავშირებით, საყოველთაო-სახალხო შეკრებას მართავს. ცნობილია ისიც, რომ აქციას დაესწრება თავად ბიძინა ივანიშვილიც.
„უცხოური გავლენის გამჭვირვალობის შესახებ“ კანონპროექტი, რომელიც ფრაქცია "ქართული ოცნების" სახელით არის რეგისტრირებული, შინაარსით გასულ წელს ინიცირებული და საპროტესტო აქციების შედეგად გაწვეული პროექტის ანალოგიურია.
კანონპროექტის მიხედვით, ორგანიზაციებს, რომლებიც დაფინანსების 20%-ზე მეტს უცხოეთიდან იღებენ „უცხოური ძალის ინტერესების გამტარებლის“ სტატუსი მიენიჭებათ. კანონპროექტი უცხოური ძალის ინტერესების გამტარებელ ორგანიზაციად რეგისტრაციის ვალდებულებას ადგენს, რომლის დარღვევისთვის ფინანსური სანქციებია გათვალისწინებული.
ანალოგური შინაარსის კანონი რუსეთშიც მოქმედებს, რაც დამოუკიდებელი მედიასაშუალებებისა და საზოგადოებრივი ორგანიზაციების ფაქტობრივი გაქრობის მიზეზი გახდა.
ამ კანონს, რომლის მიზანიც ქვეყანაში დასავლური დაფინანსების მქონე ორგანიზაციების დისკრედიტაცია და შეზღუდვაა, საქართველოში არაერთი საზოგადოებრივი ჯგუფი ეწინააღმდეგება. ამასთან, წინააღმდეგია აშშ, ევროკავშირი და არაერთი დასავლური ორგანიზაცია.
მსგავსი სიახლეები
16:10 / 15.05.2024
საქართველოს პარლამენტის გადაწყვეტილებით, “საარჩევნო კოდექსში''
ცვლილებები შევიდა, რომლის თანახმად საკრებულოს მაჟორიტარობის
კანდიდატებისთვის დაწესებული 40%-იანი საარჩევნო ბარიერი გაუქმებულია.
12:54 / 15.05.2024
ქუთაისელ აქტივისტს არჩილ გეგენავას წვრილმან ხულიგნობას, კერძოდ,
საზოგადოებრივ ადგილებში ლანძღვა-გინებას ედავებიან.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები