სოფელ ნერგეეთში, მეწყრის ჩამოწოლის შედეგად დაშავებული მოქალაქე ბაღდათიდან ქუთაისის კლინიკაში გადაიყვანეს.
ექიმების განმარტებით, ამ ეტაპზე, მისი ჯანმრთელობის მდგომარეობა სტაბილურია.

დაშავებულმა სტიქიისას მეუღლე, შვილი და დედა დაკარგა.

მეწყერი სოფელ ნერგეეთში 7 თებერვალს, ღამის ორ საათზე ჩამოწვა და 4 საცხოვრებელი სახლი მოიყოლა, სადაც ჯამში 10 ადამიანი იმყოფებოდა. მაშველებმა აქედან ერთი ადამიანის გადარჩენა შეძლეს.

ამ დროისთვის ნაპოვნია 8 ადამიანის ცხედარი, ერთი პირის მიმართ კი სამძებრო-სამაშველო ღონისძიებები გრძელდება.

სტიქიის ზონაში, 200-ზე მეტი მეხანძრე-მაშველი, შესაბამისი აღჭურვილობით, მცურავი საშუალებებით, ტექნიკითა და დრონებით ახორციელებს სამძებრო სამუშაოებს.

ძებნა-შველის ღონისძიებაში, ასევე, ჩართულია კინოლოგთა ჯგუფი.

ოფიციალური ინფორმაციით, ნერგეეთში მეწყერის სიმაღლე 30 მეტრია, მეწყრული მასის საორიენტაციო მოცულობა კი 150 000 მ3-ს შეადგენს. მიწის მასა ჩამოშლილია გზის დაახლოებით 200-მეტრიან მონაკვეთზე.

ამავე თემაზე:

ნერგეეთში, სტიქიის ზონაში, მეხუთე ადამიანის ცხედარი იპოვეს

რამ გამოიწვია მეწყერი ნერგეეთში - გარემოს ეროვნული სააგენტოს განმარტება

სოფელ ნერგეეთში მამას და სამ შვილს ეძებენ

მეწყერი ბაღდათის მუნიციპალიტეტში - ნაპოვნია 4 ადამიანის ცხედარი