ახალი ამბები
დაიწყეთ გამოძიება მგფ-ის სავარაუდო კორუფციულ დანაშაულზე -,,სავანეს" მფლობელები პროკურატურას მიმართავენ
FaceBook
ქუთაისის ცენტრალურ პარკში მდებარე კაფის ,,სავანეს’’ მფლობელებმა  საქართველოს გენერალურ პროკურატურას  ოფიციალური განცხადებით მიმართეს. 

ძმები ტურაბელიძეები  აცხადებენ, რომ  უწყებას უნდა დაინტერესდეს  მუნიციპალური განვითარების ფონდის შესაძლო კორუფციული საქმეებით, რომელიც ქალაქის ცენტრალურ პარკს და მათ კაფეს უკავშირდება. 

ისინი  საქართველოს პროკურატურას ობიექტური გამოძიებისკენ და შესაბამისი პირების პასუხისგებაში მიცემისკენ მოუწოდებენ.

საქმე ეხება ქუთაისის ცენტრალური ბულვარის რეაბილიტაციის პროექტს, რომლის თაობაზეც მუნიციპალურმა განვითარების ფონდმა ელექტრონული ტენდერი გასულ წელს გამოაცხადა. შედეგად, ფონდმა ხელშეკრულება შპს ,,დაგთან’’ გააფორმა. 

რეაბილიტაციის საპროექტო დოკუმენტში იმ შენობების დემონტაჟზეა საუბარი, რომელებიც ბაღში ფიზიკურად არ არის. გარდა ამისა, დოკუმენტში არსად ჩანს ,,სავანეს’’ შენობა, არადა ქუთაისის მერიის იურისტებმა სწორედ მითითებული დოკუმენტი წარუდგინეს მტკიცებულებად ქუთაისის საქალაქო სასამართლოს მერისა და ,,სავანეს’’ მფლობელებს შორის არსებული დავის სასამართლო პროცესზე, რომელიც კაფის დემონტაჟს ეხებოდა. მერიის იურისტები აცხადებდნენ, რომ ,,სავანეს’’ შენობა უნდა დანგრეულიყო, რადგან ობიექტი ცენტრალური ბულვარის რეაბილიტაციის პროექტში არ ჯდებოდა.

კვების ობიექტის მფლობელები ამბობენ, რომ მითითებული დოკუმენტში კორუფციის ნიშნები იკვეთება და საქმე უნდა გამოიძიონ. მუნიციპალური განვითარების ფონდი კი ამტკიცებს, რომ დოკუმენტი ზოგადია და ცენტარლური ბულვარის რეაბილიტაციას არ ასახავს.

"თუ ეს ხელშეკრულება რეალურია, მაშინ საქმე კორუფციასთან გვაქვს. ხოლო თუ დოკუმენტი ზოგადია, რასაც მუნიციპალური განვითარების  ფონდი ამტკიცებს, მაშინ გამოდის, რომ მერიის იურისტებმა სასამართლოს არასწორი მტკიცებულებები წარდაგინეს და პროკურატურამ გამოძიება უნდა დაიწყოს", - ამბობს "სავანეს"  მფლობელი გიორგი ტურაბელიძე.

ტურაბელიძეებმა იგივე განცხადება დასავლეთ საქართველოს საოლქო პროკურატურაშიც შეიტანეს 1 დეკემბერს.

ქუთაისის მერიასა და ,,სავანეს’’ მფლობელებს შორის სასამართლო დავები 13 ოქტომბრიდან მიმდინარეობდა. მერია კაფის დემონტაჟს და მეპატრონეებისგან 200 ათას ლარამდე საიჯარო დავალიანების გადახდას ითხოვდა. 16 ნოემბერს ქუთაისის საქალაქო სასამართლოს მოსამართლემ დარინა აბულაძემ კვების ობიექტის დანგრევის გადაწყვეტილება მიიღო. რაც შეეხება მეპატრონეებისგან საიჯარო თანხის გადახდას, ამ ნაწილში მერიის მოთხოვნა არ დაკმაყოფილდა.

მანამდე კი, 4 წლით ადრე, ქუთაისის მერიასა და კაფე-ბარ ,,სავანეს’’ მფლობელებს შორის დავა იმ მიწის საკითხზე მიმდინარეობდა, რომელზეც სავანე დგას. კაფის მფლობელები ამბობდნენ, რომ შენობასთან ერთად მათ მიწაც იყიდეს და ის მათი საკუთრებაა, მერიაში კი აცხადებდნენ, რომ ,,სავანე’’ კულტურული მემკვიდრეობის ტერიტორიაზეა აშენებული და ის სკვერს წარმოადგენს, სკვერი კი კერძო საკუთრება ვერ იქნება. სასამართლო დავების შედეგად, ორივე ინსტანციის სასამართლომ მიწის მესაკუთრედ მერია აღიარა.

Print E-mail
FaceBook Twitter
მსგავსი სიახლეები
პროკურატურამ, ქუთაისში, დიდი ოდენობით ნარკოტიკული საშუალების
უკანონო შეძენა, შენახვის და გასაღების ფაქტზე, ინდოეთის რესპუბლიკის
ორ მოქალაქეს ბრალდება წარუდგინა.
15:53 / 23.02.2024
პროკურატურამ, ქუთაისში, დიდი ოდენობით ნარკოტიკული საშუალების უკანონო შეძენა, შენახვის და გასაღების ფაქტზე, ინდოეთის რესპუბლიკის ორ მოქალაქეს ბრალდება წარუდგინა.
14:13 / 23.02.2024
"თავისუფლების ფერები" - ამ სახელწოდებით, ქუთაისში, 24 თებერვალს, აქცია დაიგეგმა

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.