ახალი ამბები
პროტესტის მეოთხე დღე - მაღაროელებსა და "ჯორჯიან მანგანეზს" შორის შეთანხმება ისევ ვერ შედგა
FaceBook
ჭიათურის მუნიციპალიტეტში 13 მაღარო მეოთხე დღეა გაჩერებულია.
დარკვეთის მაღაროს გაფიცული თანამშრომლები და დამსაქმებელი კომპანიის „ჯორჯიან მანგანეზი“ წარმომადგენლები შეთანხმებას ამ დრომდე ვერ აღწევენ.

მათ შორის შეხვედრა ორი დღის წინ შედგა, თუმცა უშედეგოდ.

როგორც გაფიცულები განმარტავენ, კომპანია თანახმაა, ისინი ე.წ ვახტური რეჟიმით (თვეში 15 დღით მუშაობა და მომდევნო 15 დღით დასვენება) ამუშაოს, თუმცა, სახელფასო ანაზღაურებას არ ზრდის.

„ჩვენი მოთხოვნები შეეხება 12-საათიან სამუშაო გრაფიკზე დარკვეთის მაღაროს თანამშრომლების გადასვლას, შესაბამისი ანაზღაურებით. კომპანიის წარმომადგენლებთან შევთანხმდით გრაფიკულ დღეებზე, საათობრივებზე, მაგრამ ვერ შევთანხმდით სახელფასო ანაზღაურებაზე, რაც ჩვენთვის არის კატეგორიულად მიუღებელი“, - ამბობს მაღაროელი ტარიელ მიქაცაძე.

დარკვეთი მაღაროს თანამშრომლები, სხვა მაღაროებში დასაქმებულებისგან განსხვავებით, გაფიცვამდე 7-საათიანი გრაფიკით მუშაობდნენ.

„5 საათს ვიმატებთ იმის გულისთვის, რომ რაღაცა ორი კაპიკი ავიღოთ და მივიტანოთ ოჯახში. არარეალურია, დააკლო ერთ ვახტას და 9 ვახტას სხვა მისცე“,
- განმარტავს მაღაროელი შოთა ღუღუნიშვილი.

გაფიცულების თქმით, თუ მათი მოთხოვნები არ შესრულდება, პროტესტი გაცილებით უფრო სხვა მასშტაბებსა და ფორმებს მიიღებს.

ამავე თემაზე:

პროტესტის მეორე დღე ჭიათურაში - დარკვეთის მაღაროელების გაფიცვა გრძელდება

ჭიათურაში, დარკვეთის მაღაროს თანამშრომლები გაიფიცნენ


Print E-mail
FaceBook Twitter
მსგავსი სიახლეები
ქუთაისში, საერთაშორისო ფორუმი 
15:40 / 21.06.2024
ქუთაისში, საერთაშორისო ფორუმი  "ქალაქების შესაძლებლობების გაძლიერება“  მიმდინარეობს, რომელსაც ქალაქი უკვე მეოთხედ მასპინძლობს.
ბაღდათის მუნიციპალიტეტში, 20 ივნისის ღამით მოსული უხვი ნალექის
შედეგად, მდინარე ხანისწყალი ადიდდა.
11:51 / 21.06.2024
ბაღდათის მუნიციპალიტეტში, 20 ივნისის ღამით მოსული უხვი ნალექის შედეგად, მდინარე ხანისწყალი ადიდდა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.