ახალი ამბები
ქუთაისში ,,თავისუფლების მოედანი’’ დაფუძნდა
FaceBook
ქუთაისის დემოკრატიის სკოლის ბაზაზე ქუთაისში საზოგადოებრივი მოძრაობა ,,თავისუფლების მოედანი’’ დაფუძნდა.

იდეის ავტორები დემოკრატიის სკოლის კურსდამთავრებულები და სამოქალაქო აქტივისტები არიან. 

პლატფორმის მიზანი ხელისუფლებამდე მოქალაქეების ხმის მიწვდენა და საზოგადოებაში არსებული გამოწვევების დაძლევაა. 

"თავისუფლების მოედნის" წარმომადგენლები დღეს ქუთაისის ცენტრალურ მოედანზე შეიკრიბნენ, სადაც ასევე, გამოფენილი იყო ბანერი წარწერით ,,თავისუფლების მოედანი''. მსურველებს შესაძლებლობა ჰქონდათ თავინათი პოზიცია ამ ბანერზე  წერილობითი ფორმით დაეფიქსირებინათ.

,,ჩვენი მიზანი სამოქალაქო აქტივისტების, მოქალაქეების გაერთიანება და ერთიანი ძალებით იმ გამოწვევებთან ბრძოლაა, რაც ადგილობრივ თუ ცენტრალურ დონეზე გვაქვს. დღეს მთავრობა საქართველოს ევროპულ მომავალს ეწინააღმდეგება და ანტიდასავლურ ნარატივს ავრცელებს. ეს კი ქვეყნის მტრობაა. ამას გარდა, უამრავი პრობლემაა და საზოგადოებამ ხმა უნდა აიმაღლოს. მოვიდა დრო მოქლაქეებმა საჯარო ადგილზე საჯარო პროტესტი გამოთქვან,’’-ამბობს პლატფორმის ერთ-ერთი დამფუძნებელი მათე ჩაფიჩაძე.

,,ამ საზოგადოებრივი მოძრაობის მიზანია თითოეული მოქალაქის სათქმელი მივიდეს შესაბამის უწყებებამდე. დღეს მოქალქეები სხვადასხვა ბარიერის გამო უარს ამბობენ თავიანთი პოზიციების დაფიქსირებაზე. სიჩუმე კი პრობლემის მოგვარებას ართულებს. სწორედ ამიტომ შევქმენით ეს პლატფორმა. შესაძლებელია მსაგვსი პლატფორმები აქამდეც იყო, მაგრამ გვაქვს ამბიცია, რომ ჩვენი მოძრაობა იყოს რეალური, ხმის მიწვდენადი და განხორციელებადი,’’-ამბობს სამოქლაქო აქტივისტი ვალერ თევდორაძე.

მოძრაობის დამფუძნებლები ამბობენ, რომ სხვადასხვა აქტივობის განხორციელება აქვთ დაგეგმილი. 

,,თავისუფლების მოედანი’’ გახსნილია თელავსა და ბათუმშიც.


Print E-mail
FaceBook Twitter
მსგავსი სიახლეები
ქუთაისში, მედიისა და სამოქალაქო სექტორის წარმომადგენლებმა
14:30 / 12.04.2024
ქუთაისში, მედიისა და სამოქალაქო სექტორის წარმომადგენლებმა "ოცნების" მიერ ინიცირებული "უცხოური გამჭვირვალობის შესახებ" კანონპროექტი, იგივე რუსული კანონი გააპროტესტეს.
პროკურატურის ცნობით, თბილისის საქალაქო სასამართლომ 
11:51 / 12.04.2024
პროკურატურის ცნობით, თბილისის საქალაქო სასამართლომ  "ქურდული სამყაროს“  წევრობასა და  "ქურდული სამყაროს“  საქმიანობის მხარდაჭერაში ბრალდებული 10 პირი დამნაშავედ ცნო.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.