ახალი ამბები
გელათში იტალიელი სპეციალისტები იმყოფებიან
FaceBook
გელათის სამონასტრო კომპლექსში არსებულ მდგომარეობას იტალიელი სპეციალისტები სწავლობენ.
მსოფლიოში აღიარებული კომპანიის „სტუდიო პროჯეტაციონე ე კონტროლის“ მთავარი სპეციალისტები ტაძარში დილიდან იმყოფებიან.

ისინი გელათის კონსტრუქციულ, სეისმურ და სტრუქტურულ კვლევასა და სამუშაოებს განახორციელებენ.

აღსანიშნავია, რომ ეს კომპანია ამჟამად რომის კოლისეუმის სტრუქტურული კვლევისა და გამაგრების სამუშაოებს აწარმოებს.

„აუცილებელია იყოს უმაღლესი სტანდარტის სამეცნიერო კვლევები, სანამ მოხდება ფიზიკური ჩარევა. ასევე ვთვლით, რომ ძალიან მნიშვნელოვანია კიდევ ერთხელ მოხდეს გელათის გააზრება. დღესაც თქვენ ხედავთ, რომ ძალიან მაღალი რანგის საერთაშორისო სპეციალისტები არიან, ეს არის ჯერ კიდევ კვლევის ეტაპი, მაგრამ ძალიან მალე დაიწყება აქტივობაც. ყველას შემიძლია ვუთხრა, რომ გელათი იყო ჩვენი მარგალიტი და იქნება ყოველთვის. ჯადოსნური ჯოხები არ არსებობს, რომ ერთ წამში გამოსწორდეს ყველაფერი, მაგრამ ეს გამოსწორდება, შენარჩუნდება ის, რაც იყო და განვითარდება“,- განმარტავს გელათის რეაბილიტაციის სამეცნიერო ხელმძღვანელი დავით ლორთქიფანიძე.

აღსანიშნავია, რომ გელათში 10 ივლისს ელოდებიან მსოფლიოში აღიარებულ სპეციალისტებს სტივენ რიკერბსა და ლიზა შეკედესაც, რომლებიც კედლის მხატვრობის მძიმე, დაზიანებულ მდგომარეობას მეცნიერულად შეისწავლიან და საკონსერვაციო მიდგომებთან დაკავშირებით რეკომენდაციებს გასცემენ.

კულტურის სამინისტრომ გელათის სარეაბილიტაციო, სარესტავრაციო თუ სხვა საჭირო სამუშაოები საპატრიარქოს ოფიციალურად 7 აპრილის გადააბარა. 

უცხოელი სპეციალისტები გელათში არსებული პრობლემების აღმოსაფხვრელად სამოქმედო გეგმის შესამუშავებლად 2021 წელსაც იმყოფებოდნენ.

გელათის მონასტერში გადახურვის სამუშაოები 2019 წელს წელს დასრულდა, თუმცა, მალევე, დაახლოებით ერთ თვეში, მოჭიქული კრამიტი დაზიანდა და ტაძარში წყალი ჩავიდა. მას შემდეგ, რაც ხარვეზებმა თავი იჩინა და უნიკალური ფრესკები განადგურების რეალური საფრთხის წინაშე აღმოჩნდა, პრობლემა აღიარა კულტურული მემკვიდრეობის სააგენტომაც, თუმცა, პასუხისმგებლობა მოიხსნა და მომხდარი სამუშაოების შემსრულებელ კომპანიას დააბრალა. ამის შემდეგ გელათი ისევ ხარაჩოებში მოექცა.

Print E-mail
FaceBook Twitter
მსგავსი სიახლეები
15:17 / 19.07.2024
"ჟღერადი სივრცე" - ასე ქვია ინკლუზიური ცეკვის სპექტაკლს, რომელიც პროექტ, "იცეკვე, იმოძრავე, იმოქმედე"-ს ფარგლებში შეიქმნა.
12:50 / 19.07.2024
"ქართული ოცნების" მიერ ინიცირებული "ამნისტიის შესახებ" კანონპროექტი ქუთაისში გააპროტესტეს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.