ახალი ამბები
"ოპოზიციის აქციებზე დავდივარ, მხარს ვუჭერ ცვლილებებს, ევროკავშირს" - ჭიათურაში დაკავებული
FaceBook
ჭიათურის სოფელ ხრეითში „მთავარი არხის“ ჟურნალისტისა და ტელეწამყვანის ეკა კვესიტაძის ბიძა, რომელიც გუშინ დააკავეს, პოლიციამ გამოკითხა.
71 წლის ბადრი ლოლაძე ყვება, რომ მასთან სამართალდამცველები მივიდნენ და გაბზარულ კედლებში ხელყუმბარა აღმოუჩინეს.

ლოლაძე ირწმუნება, რომ მას ე.წ ლიმონკა არასოდეს ჰქონია და უარი განუცხადა, როდესაც შესთავაზეს ეთქვა, რომ ის მამამისის იყო.

ბადრი ლოლაძე დაპატიმრებას მის პოლიტიკურ აქტივობას უკავშირებს. არ გამორიცხავს იმასაც, რომ ხელყუმბარა ჩაუდეს, რადგან „მთავარი არხის“ ჟურნალისტის ბიძაა.

„გახსნილია კედელი, მივიდნენ და ამოიღეს ლიმონკა. ვისია ესო, არ ვიცი, შეხება არ მქონია-მეთქი. თქვი, რომ მამაშენს ჰქონდაო. მამაჩემი მკვდარია და რა დავაბრალო მეთქი. მაშინ დაგაპატიმრებთო და წამიყვანეს.

რას ვუკავშირებ და მე აქტიური აღარ ვარ, 71 წლის ვარ და ხანდახან აქციებზე დავდივარ ხოლმე, გამოვდივარ ოპოზიციის აქციებზე, ცვლილებებს, ევროკავშირს ვუჭერ მხარს და არ მინდა ეს რუსეთი", - ამბობს ბადრი ლოლაძე.

მის დაკავებასთან დაკავშირებით ინფორმაცია ჟურნალისტმა ეკა კვესიტაძემ გუშინ გაავრცელა. ის ვარაუდობდა, რომ ბიძის დაკავება მის ჟურნალისტურ საქმიანობას უკავშირდებოდა.

მომხდართან დაკავშირებით "ქუთაისიპოსტი" დეტალებს შსს-ში არკვევს და ინფორმაციას მიღებისთანავე შემოგთავაზებთ.
Print E-mail
FaceBook Twitter
მსგავსი სიახლეები
ქუთაისში, მედიისა და სამოქალაქო სექტორის წარმომადგენლებმა
14:30 / 12.04.2024
ქუთაისში, მედიისა და სამოქალაქო სექტორის წარმომადგენლებმა "ოცნების" მიერ ინიცირებული "უცხოური გამჭვირვალობის შესახებ" კანონპროექტი, იგივე რუსული კანონი გააპროტესტეს.
პროკურატურის ცნობით, თბილისის საქალაქო სასამართლომ 
11:51 / 12.04.2024
პროკურატურის ცნობით, თბილისის საქალაქო სასამართლომ  "ქურდული სამყაროს“  წევრობასა და  "ქურდული სამყაროს“  საქმიანობის მხარდაჭერაში ბრალდებული 10 პირი დამნაშავედ ცნო.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.