ახალი ამბები
„ჩუმათელეთი-ხარაგაული-ზესტაფონის შემოვლითი გზის სამუშაოები შეჩერებულია“
FaceBook
სავარაუდო კორუფცია და ჩუმათელეთი-ხარაგაული-ზესტაფონის შემოვლითი გზის ჩავარდნილი პროექტი - ამ თემაზე „ანტიკორუფციული მოძრაობის“ წევრმა ლაშა ფარულავამ და „ნაციონალური მოძრაობის“ წარმომადგენელმა თორნიკე ავალიშვილმა ბრიფინგი გამართეს.

მათი განმარტებით, აღნიშნული მონაკვეთი, რომელიც ახალი ჩქაროსნული საავტომობილო მაგისტრალის მთავარი შემოვლითი გზა და ალტერნატივა უნდა ყოფილიყო, 2021 წელს უნდა დასრულებულიყო, თუმცა სამუშაოები შეჩერებულია.

ლაშა ფარულავა ამბობს, რომ ხელისუფლებას დაპირება რომ შეესრულებინა, რიკოთზე დაწესებული შეზღუდვების გამო, მძღოლები ახლა სწორედ ამ გზით ისარგებლებდნენ და არა საჩხერე-ჭიათურის.

„სამინისტრომ ამ გზის მშენებლობისთვის სავარაუდო კორუფციული გზით შეარჩია კომპანიები, რომლებიც „ოცნების“ შემომწირველები არიან, ამიტომ შედეგიც სახეზეა: მიტოვებული სამუშაო და შეჭმული მილიონები. ამდენად, რიკოთის უღელტეხილზე, „ოცნების“ ანონსი, რომ ეს იქნებოდა „საუკუნის პროექტი“, მოქალაქეებისთვის საშვილიშვილო ტვირთად იქცა, ვინაიდან ეს ვალი, სამწუხაროდ, ჩვენი მომავალი თაობების გადასახდელი იქნება“, - განაცხადა ლაშა ფარულავამ.

ჩუმათელეთი-ხარაგაული-ძირულას მონაკვეთის მნიშვნელობაზე ისაუბრა თორნიკე ავალიშვილმაც. მისი თქმით, ამ გზით ხარაგაულის მოსახლეობის ¼ სარგებლობს. გარდა ამისა, ადგილობრივებისთვის ეს პროექტი, ეკონომიკური თვალსაზრისითაც, მომგებიანი უნდა ყოფილიყო.

„ამასთან, ეს გზა უკავშირდება კურორტ ნუნისს, სადაც ფაქტობრივად, ადამიანებს პრობლემის გარეშე შეეძლოთ შესულიყვნენ (ფსორიაზით დაავადებული პაციენტები იკურნებიან ამ კურორტზე) და რაც ყველაზე მთავარია, ეს პროექტი დასრულებული უნდა იყოს უკვე რიკოთის უღელტეხილის გრანდიოზული პროექტიდან გამომდინარე. შეიძლება პრობლემატური საკითხები ყოფილიყო, სადაც გამტარობა ავტომობილების არ იქნებოდა და შემოვლითი გზით უნდა ყოფილიყო ამ მანქანების გამტარობა, სადაც 40 კმ-ს დაფარვა ფაქტობრივად 20-25 წუთში შეეძლებოდა მგზავრს, მაგრამ არ გაკეთდა“,- განმარტავ ავალიშვილმა.

მისივე თქმით, გამომდინარე იქიდან, რომ აღნიშნული მონაკვეთის გასაკეთებლად ტენდერი რვაჯერ იყო გამოცხადებული, „ან პროექტს აქვს პრობლემა, ან და შესრულებას“.

პროექტი აზიის განვითარების ბანკისგან აღებული სესხით დაფინანსდა და 2021 წელს უნდა დასრულებულიყო.


Print E-mail
FaceBook Twitter
მსგავსი სიახლეები
14:43 / 25.05.2024
"ქუთაისიპოსტი" კვირაში რამდენჯერმე შემოგთავაზებთ იმერეთის რეგიონში განხორციელებული იმ პროექტების შესახებ ინფორმაციას, რომლებიც საერთაშორისო პარტნიორების ფინანსური მხარდაჭერით გაკეთდა.
რომ არა დონორების ფინანსური დახმარება, შესაძლოა, დღეს ამ პროექტების დიდი ნაწილი არც განხორციელებულიყო.
ოპოზიციური პარტიები სანქციებთან დაკავშირებით აშშ-ის
სახელმწიფო მდივნის, ენტონი ბლინკენის განცხადებას ეხმაურებიან.
15:10 / 24.05.2024
ოპოზიციური პარტიები სანქციებთან დაკავშირებით აშშ-ის სახელმწიფო მდივნის, ენტონი ბლინკენის განცხადებას ეხმაურებიან.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.