ახალი ამბები
"ვისაც ქუთაისელი გქვიათ, გთხოვთ, ეს სასაფლაოს ჭიშკარი არ დაადგმევინოთ ამ ადგილზე"
FaceBook
ქუთაისში, ვარლამიშვილის ქუჩაზე მდებარე ხარების სახელობის ეკლესიის მიმდებარედ, რკინის ჭიშკარი აღმართეს.

საუბარია ე.წ. ფრანგების უბანზე. 

სოციოლოგი და რელიგიის მკვლევარი, ილიას სახელმწიფო უნივერსიტეტის ასოცირებული პროფესორი სოფო ზვიადაძე მიიჩნევს, რომ აღნიშნული ადგილი სხვადასხვა შენობისა და ხედის კომპლექსია, ისტორიულად ჩამოყალიბებული გარემოა, ამიტომ აქ ამ ჭიშკრის ადგილი არ არის.

„ვინც ერთხელ მაინც ყოფილა ე.წ. "ფრანგების უბანში" ქუთაისში, ამ სივრცის სილამაზეც ემახსოვრება. დღეს გავიგე, რომ ალაყაფი აღუმართავთ. არ შეიძლებოდა ამ ადგილის გადაკეტვა. ორასი წელია ასეთია ამ ქუჩების წყობა და ეს ხედი, და ის ყველასია. ალბათ, ეკლესიის ეზოდ შემოისაზღვრა და ასე გადაკეთდა ეს უნიკალური ადგილი, რომელიც ერთი მთლიანობა იყო ეკლესიით, კათოლიკური სასაფლაოთი, ნარდის სათამაშო მაგიდით, გლიცინიებით და პატარა ქუჩით“- ამბობს სოფო ზვიადაძე.

ქუჩის „შემოღობვას“ აპროტესტებენ ადგილობრივებიც.

„რა საჭირო იყო? რა არის ეს სიმახინჯე კარი“, - ამბობს მოქალაქე.

„ვისაც ამ ქალაქზე გული შეგტკივათ, გქვიათ ქუთაისელი და მეობა/გაგება შემოგრჩენიათ, გთხოვთ, ეს სასაფლაოს ჭიშკარი არ დაადგმევინოთ ამ ადგილზე..“- განმარტავს „საქართველოს ახალგაზრდა გიდების ასოციაციის“ ხელმძღვანელი ლაშა ბერეკაშვილი.

ქუთაის-გაენათის ეპარქიაში ამბობენ, რომ საკითხთან დაკავშირებით კომენტარს მოგვიანებით გააკეთებენ.

Print E-mail
FaceBook Twitter
მსგავსი სიახლეები
საქართველოს ევროკავშირთან დაახლოებას მოაქვს სურსათის უვნებლობის
სახელმწიფო კონტროლის ეფექტიანი სისტემა;
11:39 / 15.07.2024
საქართველოს ევროკავშირთან დაახლოებას მოაქვს სურსათის უვნებლობის სახელმწიფო კონტროლის ეფექტიანი სისტემა;
გარემოს ეროვნული სააგენტოს მოკლევადიანი პროგნოზების სამმართველოს
უფროსის, დოდო გვაზავას ინფორმაციით, 17 ივლისამდე, დასავლეთ
საქართველოში, ცხელი და უნალექო ამინდია მოსალოდნელი.
10:40 / 15.07.2024
გარემოს ეროვნული სააგენტოს მოკლევადიანი პროგნოზების სამმართველოს უფროსის, დოდო გვაზავას ინფორმაციით, 17 ივლისამდე, დასავლეთ საქართველოში, ცხელი და უნალექო ამინდია მოსალოდნელი.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.