ახალი ამბები
გელათში მხატვრობის კონსერვაციის სპეციალისტთა ჯგუფს ელოდებიან
FaceBook
დღეს, გელათში მხატვრობის კონსერვაციის სპეციალისტთა ჯგუფს ელოდებიან, რომელიც მსოფლიო მემკვიდრეობის ცენტრის, ICOMOS/ICCROM-ის რეკომენდაციის შესრულებას - ტაძრის მხატვრობის გრაფიკული სქემების შექმნას დაიწყებს.

აღნიშნული პირველი ღონისძიება იქნება, რომელსაც მონასტრის გადასარჩენად საქართველოს საპატრიარქო განახორციელებს.



საპატრიარქო გელათის რეაბილიტაციის დროებითი კომიტეტის შექმნასაც გეგმავს, სადაც ქართველი და საერთაშორისო დონის მოწვეული უცხოელი მეცნიერები ერთმანეთთან ითანამშრომლებენ.

გადაიხედება და განახლდება გენერალური/მართვის გეგმაც. ამასთან, საპატრიარქოს ცნობით, შეიქმნება კონსერვაციის ახალი და მაღალი სტანდარტის საბაზისო დოკუმენტი, რომელიც დეტალურ და სიღრმისეულ კვლევებზე იქნება დაფუძნებული.

შეიქმნება გელათის სპეციალური ვებ-გვერდიც, სადაც საზოგადოებას ძეგლის მიმართ განხორციელებულ ღონისძიებებთან დაკავშირებით ინფორმაციას მიაწვდიან.

კულტურის სამინისტრომ გელათის სარეაბილიტაციო, სარესტავრაციო თუ სხვა საჭირო სამუშაოები საპატრიარქოს მას შემდეგ გადააბარა, რაც უმწვავესი დასკვნა გასაჯაროვდა. მხარეებს შორის ხელშეკრულებას ხელი უკვე მოეწერა.

გელათის მონასტერში გადახურვის სამუშაოები 2019 წელს წელს დასრულდა, თუმცა, მალევე, დაახლოებით ერთ თვეში, მოჭიქული კრამიტი დაზიანდა და ტაძარში წყალი ჩავიდა. მას შემდეგ, რაც ხარვეზებმა თავი იჩინა და უნიკალური ფრესკები განადგურების რეალური საფრთხის წინაშე აღმოჩნდა, პრობლემა აღიარა კულტურული მემკვიდრეობის სააგენტომაც, თუმცა, პასუხისმგებლობა მოიხსნა და მომხდარი სამუშაოების შემსრულებელ კომპანიას დააბრალა. ამის შემდეგ გელათი ისევ ხარაჩოებში მოექცა.


Print E-mail
FaceBook Twitter
თეგები: #გელათი
მსგავსი სიახლეები
ქუთაისში, საერთაშორისო ფორუმი 
15:40 / 21.06.2024
ქუთაისში, საერთაშორისო ფორუმი  "ქალაქების შესაძლებლობების გაძლიერება“  მიმდინარეობს, რომელსაც ქალაქი უკვე მეოთხედ მასპინძლობს.
ბაღდათის მუნიციპალიტეტში, 20 ივნისის ღამით მოსული უხვი ნალექის
შედეგად, მდინარე ხანისწყალი ადიდდა.
11:51 / 21.06.2024
ბაღდათის მუნიციპალიტეტში, 20 ივნისის ღამით მოსული უხვი ნალექის შედეგად, მდინარე ხანისწყალი ადიდდა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.