ახალი ამბები
ქუთაისში, ოქროს ჩარდახის რეაბილიტაცია იწყება
FaceBook
ოქროს ჩარდახის რეკონსტრუქცია იწყება.

კულტურული მემკვიდრეობის ძეგლის კეთილმოწყობის სამუშაოებს სამშენებლო კომპანია "ივერთმშენი", 955 555 ლარის სანაცვლოდ, ჩაატარებს.

ოქროს ჩარდახის რესტავრაცია იმ პროექტებს შორის მოხვდა, რომლებიც ქუთაისში, 2023 წელს უნდა განხორციელდეს

„კონტრაქტორი უკვე მზად არის დაიწყოს ჩარდახის რეაბილიტაცია. პროექტი მოიცავს ეზოს კეთილმოწყობასაც. ასევე ვაპირებთ, მის მიმდებარედ, არსებულ ბილიკზე ე.წ ფრიმარკეტი განთავსდეს, რომელიც ხელს შეუწყობს მცირე და საშუალო ბიზნესს თავისი ნაწარმის გამოფენა-გაყიდვა-დასაქმებაში“,- განმარტა იოსებ ხახალეიშვილმა.

ოქროს ჩარდახის რესტავრაცია-რეაბილიტაციის პროექტი შპს „მნ-პროექტმა“ მოამზადა. დოკუმენტის მიხედვით, სახლის ისტორიული იერსახე მაქსიმალურად შენარჩუნდება.

კულტურული მემკვიდრეობის ძეგლის კეთილმოსაწყობად მერიამ ელექტრონული ტენდერი [NAT220027710] 2022 წლის დეკემბერში გამოაცხადა.

კომპანია "ივერთმშენმა" სამუშაოები წლის ბოლომდე (2023 წლის 30 დეკემბრის ჩათვლით) უნდა განახორციელოს.

ასეთი უნდა იყოს განახლებული ოქროს ჩარდახი:



იმერეთის მეფეთა სასახლის რეაბილიტაციის პროექტის შედგენაზე მუნიციპალიტეტმა 75 000 ლარის ტენდერი დაახლოებით ერთი წლის წინ გამოაცხადა.

სატენდერო დოკუმენტაციის მიხედვით, პროექტი ოთხ ეტაპად უნდა განხორციელებულიყო: კვლევითი სამუშაოების ჩატარება, რეაბილიტაციის პროექტის მომზადება, დეტალური ხარჯთაღრიცხვა და პროექტის ზედამხედველობა.

მთავარი ფოტო: ნია ხარაძე

Print E-mail
FaceBook Twitter
მსგავსი სიახლეები
კინოთეატრ „სულიკოს“ ადგილზე, შესაძლოა, 12 სართულიანი საცხოვრებელი
კორპუსი აშენდეს. 
13:44 / 26.02.2024
კინოთეატრ „სულიკოს“ ადგილზე, შესაძლოა, 12 სართულიანი საცხოვრებელი კორპუსი აშენდეს. 
ჩინეთის რესპუბლიკა საქართველოს მოქალაქეებისთვის უვიზო
მიმოსვლას აწესებს.
11:12 / 26.02.2024
ჩინეთის რესპუბლიკა საქართველოს მოქალაქეებისთვის უვიზო მიმოსვლას აწესებს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.