ახალი ამბები
„უკრაინა არა მხოლოდ საკუთარ,არამედ ჩვენს ომშიც იბრძვის“ - სოლიდარობის აქცია ქუთაისში
FaceBook
24 თებერვალს ქუთაისის ცენტრალურ მოედანზე  უკრაინის მხარდამჭერი აქცია-პერფორმანსი "წინააღმდეგობის ერთი წელი" გაიმართა. 

აქციის მონაწილეებმა, ომის წლისთავზე, კიდევ ერთხელ სოლიდარობა და მხარდაჭერა გამოუცხადეს მოძმე უკრაინელ ხალხს.

აქციას აქტივისტებსა და სამოქალქო საზოგადოებასთან ერთად ქუთაისში მცხოვრები და ომის შემდეგ ჩამოსული უკრაინელებიც შემოუერთდნენ. აქციაში მონაწილეობდნენ რუსებიც. 

„დღეს აქ შევიკრიბეთ კიდევ ერთხელ, რათა მხარი დავუჭიროთ მსოფლიოში ყველაზე მამაც ერს, უკრაინელებს. ერს, რომელსაც უყვარს საკუთარი მიწა და ყველაფერს გაიღებს მის დასაცავად. უკრაინა დღეს არა მხოლოდ საკუთარ,არამედ ჩვენს ომშიც იბრძვის. იმ ბოროტებისა და სიბნელის დამარცხება, რაც რუსეთს მოაქვს, მხოლოდ უკრაინისთვის არაა მნიშვნელოვანი“, - აღნიშნა აქციის მონაწილე, ჟურნალისტმა შორენა ლაღაძემ.

აქციის ორგანიზატორი ორგანიზაცია "ქუთაისი დნიპროსთვის" გახლდათ.

"ერთი წელი გავიდა რუსეთის სრულმასშტაბიანი ომის დაწყებიდან უკრაინაში.   ამ აქციით უკრაინელებს ვუთხარით, რომ ქუთაისი მათ გევრდითაა. უკრაინის გამარჯვება საქართველოს გამარჯვებაცაა. ჩვენ ვემიჯნებით ყველა ანტიუკრაინულ რიტორიკას ვისგანაც არ უნდა მოდიოდეს ის და გვჯერა უკრაინის უპირობო გამარჯვების", - აღნიშნა აქციის ერთ-ერთმა ორგანიზატორმა ხვიჩა ვაშაყმაძემ. 

დღეს სოლიდარობის აქცია გაიმართება თბილისში. თბილსიში დაგეგმილ აქციას ქუთაისიდანაც შეუერთდებიან.

რუსეთმა სრულმასშტაბიანი ომი უკრაინასთან 2022 წლის 24 თებერვალს დაიწო.

ომიდან ერთი წლის თავზე უკრაინამ ათასობით დაპყრობილი პუნქტი და ტერიტორია დაიბრუნა.
Print E-mail
FaceBook Twitter
მსგავსი სიახლეები
კინოთეატრ „სულიკოს“ ადგილზე, შესაძლოა, 12 სართულიანი საცხოვრებელი
კორპუსი აშენდეს. 
13:44 / 26.02.2024
კინოთეატრ „სულიკოს“ ადგილზე, შესაძლოა, 12 სართულიანი საცხოვრებელი კორპუსი აშენდეს. 
ჩინეთის რესპუბლიკა საქართველოს მოქალაქეებისთვის უვიზო
მიმოსვლას აწესებს.
11:12 / 26.02.2024
ჩინეთის რესპუბლიკა საქართველოს მოქალაქეებისთვის უვიზო მიმოსვლას აწესებს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.