ახალი ამბები
შოთა მურღულიას სიცრუეში ადანაშაულებენ
FaceBook
"სიცრუე განაცხადა ქალაქის მერმა, შოთა მურღულიამ, როცა ტელევიზიით თქვა რომ დიდთოვლობის დღეებში, ქალაქის მასშტაბით 40 ტონა ტექნიკური მარილი და ქვიშა დაიხარჯა ".


ქუთაისის მერს, შოთა მურღულიას ცრუ ინფორმაციის გავრცელებაში ადანაშაულებენ.

აღნიშნულის თაობაზე, დღეს არასამთავრობო ორგანიზაცია "ევროპა ჩვენი სახლიას" წარმომადგენლებმა ბრიფინგი გამართეს.
როგორც ორგანიზაციის ხელმძღვანელი, გია გოქაძე ირწმუნება, ქუთაისში თოვლის მოსვლის გამო შექმნილი პრობლემების აღმოფხვრისთვის, ტექნიკური მარილი არ დახარჯულა.

"სიცრუე განაცხადა ქალაქის მერმა, შოთა მურღულიამ, როცა ტელევიზიით თქვა რომ დიდთოვლობის დღეებში, ქალაქის მასშტაბით 40 ტონა ტექნიკური მარილი და ქვიშა დაიხარჯა გაწმენდითი სამუშაოებისთვის, მე გამოვითხოვე ინფორმაცია, სადაც არ არის კონკრეტული დოკუმენტები წარმოდგენილი აღნიშნულის თაობაზე," - ამბობს გოქაძე.

მისივე თქმით, დიდთოვლობის დღეებში გაწმენდითი სამუშაოები არ განხორციელებულა ქალაქის ყველა ქუჩაზე.
"ეს გავს ე.წ. უსაქონლო ოპერაციას, რის ფონზეც ძალიან ოსტატურადაა შესაძლებელი ფულის მოტეხვა,"- განმარტავს გია გოქაძე.
ქუთაისის მერიაში ევროპა ჩვენი სახლიას ბრალდებებს უსაფუძვლოდ მიიჩნევენ.

როგორც ქუთაისის მერიის ადმინისტრაციული სამსახურის უფროსი, ზიად ჯავახია ირწმუნება, უხვთოვლობის დღეებში, ქალაქის მასშტაბით ნამდვილად განხორციელდა მარილით გზების გაწმენდა.

"მარილით და ქვიშით მოხდა ქუჩების წმენდა და ვისაც ეჭვი ეპარება, შეგვიძლია მომდევნო გათოვების დროს გავასინჯოთ,"- ამბობს ჯავახია.

მიმდინარე წლის 27 იანვარს, მარაგის შესავსებად, ტენდერი გამოცხადდა.

78 ტონა ტექნიკური მარილისა და ქვიშის შესაძენად სულ 22 000 ლარი დაიხარჯა.
Print E-mail
FaceBook Twitter



მსგავსი სიახლეები
ახალგაზრდა მამაკაცის სამძებრო სამუშაოები
რიონის ხეობაში გრძელდება.
09:28 / 11.04.2021
ახალგაზრდა მამაკაცის სამძებრო სამუშაოები რიონის ხეობაში გრძელდება.
რიონის ხეობაში, მდინარე რიონში მამაკაცი,
სავარაუდოდ, გადახტა.
21:25 / 10.04.2021
რიონის ხეობაში, მდინარე რიონში მამაკაცი, სავარაუდოდ, გადახტა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.