ახალი ამბები
ჩემის სურვილია მთავარი ოფისი ქუთაისში იყოს - ომბუდსმენობის კანდიდატი
FaceBook
სამეცნიერო - ინტელექტუალური კლუბი "თაობათა დიალოგის" თანადამფუძნებელს ნუგზარ კოხრეიძეს საქართველოს სახალხო დამცველის არჩევის კონკურსში ღია მხარდაჭერას უკვე 40-მდე რეგიონული არასამთავრობო ორგანიზაცია უცხადებს.
ამის შესახებ კოხრეიძემ დღეს გამართულ მის მხარდასაჭერ ბრიფინგზე ისაუბრა.

მხარდამჭერი ორგანიზაციები მოუწოდებენ საქართველოს პარლამენტში შემავალ ყველა პოლიტიკურ სუბიექტს კოხრეიძე განიხილონ, როგორც პოტენციური საქართველოს სახალხო დამცველის კანდიდატი.

ბრიფინგზე ნუგზარ კოხრეიძემ აღნიშნა, რომ სახალხო დამცველის პოზიციის დაკავების შემთხვევაში მისი სურვილია ომბუდსმენის მთავარი ოფისი ქუთაისში იყოს.

"მადლობა მინდა ვუთხრა ყველა ორგანიზაციას, რომელმაც ჩემ მიმართ მხარდაჭერა გამოხატა. ვფიქრობ, მნიშვნელოვანია, რომ რეგიონული არასამთავრობო ორგანიზაციები აქტიურად არიან ჩართული ამ პროცესში. ჩემი ერთ-ერთი ამოცანაც სწორედ ეს არის. ვფიქრობ, ასეთი აქტურობა და ჩართულობა ინსტიტუციურ დონეზეც შეიძლება გაგრძელდეს თუ მხარდაჭერა ექნება ჩემ სურვილს ქვეყნის ეს მნიშვნელოვანი სტრუქტურა თავის მთავარ ოფისს ქუთაისში დაიდებს. მიმაჩნია ეს იქნება შესაძლებლობა დასავლეთ საქართველოსთვის და განსაკუთრებით გააძლიერებს ადამიანის უფლებათა დაცვის ორგანიზაციებს რეგიონებში. რა თქმა უნდა, წარმატებებს ვუსურვებ ყველა კანდიდატს და ჩვენს ქვეყანას რადგან ეს მნიშვნელოვანი პროცესია 12 პუნქტის აღსრულების მიმართულებით"

აქვე, ნუგზარ კოხრეიძეს ადგილობრივ და საერთაშორისო ორგანიზაციებში მუშაობის 25 წლიანი გამოცდილება აქვს. იგი 2007-2018 წლებში მუშაობდა გაეროს მიგრაციის სააგენტოში (მიგრაციის საერთაშორისო ორგანიზაცია) ქუთაისის ოფისის საველე კოორდინატორად; 2018 წლიდან მუშაობს გერმანულ არასამთავრობო ორგანიზაცია “ბერგჰოფის ფონდი”, რომელიც საქართველოში ქართულ-აფხაზურ და ქართულ-სამხრეთ ოსურ სამშვიდობო დიალოგის საკითხებზე მუშაობს; 2021 წლიდან არის აღმოსავლეთ პარტნიორობის სამოქალაქო საზოგადოების ფორუმის საქართველოს ეროვნული პლატფორმის თავმჯდომარის მოადგილე და მესამე სამუშაო ჯგუფის თანაკოორდინატორი; 2022 წლიდან აღმოსავლეთ ევროპის, კავკასიისა და ცენტრალური აზიის რეგიონში კლიმატის მოქმედებათა ქსელის (Climate Action Network - CAN) საბჭოს წევრი.

სახალხო დამცველის თანამდებობის დასაკავებლად გამოცხადებულ კონკურსში განაცხადი 19-მა კანდიდატმა წარადგინა.

კანდიდატებს შორისაა, “სამეცნიერო-ინტელექტუალურ კლუბ “თაობათა დიალოგის“ თავმჯდომარე ნუგზარ კოხრეიძე.

განცხადებების მიღება 29 სექტემბერს დასრულდა. უკვე შერჩეულია 9-კაციანი კომისიაც, რომელიც ამ კანდიდატებს შეაფასებს. შეფასების პროცესის დასრულების შემდეგ ფრაქციები დაასახლებენ ომბუდსმენობის კანდიდატებს და პარლამენტი ოფიციალურად დაიწყებს კანდიდატების საპარლამენტო ფორმატში მოსმენას.


Print E-mail
FaceBook Twitter
მსგავსი სიახლეები
ქუთაისში, სადაც სოციალური შემწეობის მიმღები,
დღეის მდგომარეობით, 10 382 ადამიანია, მერიამ ბიუჯეტში
მათთვის განსაზღვრული თანხა ორი წელია ვერ აითვისა.
13:40 / 07.12.2022
ქუთაისში, სადაც სოციალური შემწეობის მიმღები, დღეის მდგომარეობით, 10 382 ადამიანია, მერიამ ბიუჯეტში მათთვის განსაზღვრული თანხა ორი წელია ვერ აითვისა.
ქუთაისის მერის მოადგილისა და შპს „სატრანსპორტო კომპანიის“ 
ხელმძღვანელის პოსტები კვლავ ვაკანტურია.
14:17 / 06.12.2022
ქუთაისის მერის მოადგილისა და შპს „სატრანსპორტო კომპანიის“  ხელმძღვანელის პოსტები კვლავ ვაკანტურია.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.