ახალი ამბები
„საჯარო სამსახურში ხელფასი ყოველწლიურად, 10%-ით გაიზრდება“ - ფინანსთა მინისტრი
17:07 / 18.07.2022
"საჯარო სამსახურში
ხელფასების რაოდენობა ყოველწლიურად, დაახლოებით, 10%-ით გაიზრდება
2026 წლამდე", - ამის შესახებ ფინანსთა მინისტრმა, ლაშა
ხუციშვილმა განაცხადა.
მინისტრმა აღნიშნული განცხადება
მთავრობის სხდომის დასრულების შემდეგ გამართულ ბრიფინგზე
გააკეთა.
ხუციშვილის ინფორმაციით, გასულ წელს
საქართველოს მთავრობას დაევალა, საქართველოს პარლამენტისთვის
წარედგინა კანონპროექტი, რომლის მიხედვითაც საჯარო სამსახურებში
ხელფასები უნდა მოწესრიგდეს.
"დღეს განისაზღვრა ის
ძირითადი პრინციპები, თუ როგორ უნდა მოხდეს აღნიშნული საკითხის
მოწესრიგება გრძელვადიან პერიოდში. შესაბამისად, ჩამოყალიბდა
გარკვეული მიმართულებები", - აღნიშნა
მინისტრმა.
კერძოდ, 2026 წლის 1-ლი იანვრიდან
საჯარო სექტორში ხელფასები უნდა განისაზღვროს იმ პროცენტული
მაჩვენებლით, რა პროცენტულადაც ბოლო ოთხი კვარტლის განმავლობაში
არასახელმწიფო სექტორში გაიზრდება საშუალო ხელფასი.
ასევე, 2026 წლიდან ხელფასები უნდა
განისაზღვროს ისე, რომ საშუალო ხელფასი სახელმწიფო სექტორში არ იყოს
არასახელმწიფო სექტორში არსებული საშუალო ხელფასის 80%-ზე ნაკლები და
90%-ზე მეტი.
მინისტრის თქმით, დღევანდელი
მოცემულობით, საჯარო სამსახურში ხელფასების საშუალო დონე, კერძო
სექტორთან მიმართებით, დაახლოებით, 74%-ს შეადგენს, რაც ისტორიულად
ერთ-ერთი ყველაზე დაბალი მაჩვენებელია. წლების განმავლობაში ეს
მაჩვენებელი იცვლებოდა და იყო 93-94 პროცენტიც, თუმცა 2021 წლისთვის
ეს მაჩვენებელი შემცირებულია 74%-მდე.
მთავრობის მიერ დადგენილი
კრიტერიუმებით მომდევნო წლებში 2026-წლამდე, ყოველწლიურად, საჯარო
სამსახურში ხელფასები 10%-ით გაიზრდება იმისთვის, რომ მიღწეული იქნას
გარკვეული პარამეტრები.
მისი თქმით, აღნიშნული პარამეტრები
უკვე განხილული იქნება კანონმდებლობის დონეზე, როდესაც წარდგენილი
იქნება 2023 წლის სახელმწიფო ბიუჯეტის კანონი.
მსგავსი სიახლეები
14:19 / 10.10.2026
ტყიბულის შახტში რამდენიმე დღის წინ მომხდარი
შემთხვევის შედეგად ერთი მეშახტე დაშავდა.
13:20 / 10.10.2026
საქართველოს პროკურატურამ რუსთავის N6 საპატიმრო დაწესებულებაში მოთავსებული მსჯავრდებულის, გიორგი დავითაძის მიმართ განხორციელებული შესაძლო სექსუალური ძალადობის ფაქტზე მიმდინარე გამოძიება დაასრულა.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები