ახალი ამბები
უკრაინელმა სამხედროებმა ქალაქი ლისიჩანსკი დატოვეს
14:36 / 04.07.2022
უკრაინის ჯარმა უკან დაიხია და
ქალაქი ლისიჩანსკი დატოვა.
ამის შესახებ განცხადებას უკრაინის
შეიარაღებული ძალები ავრცელებს.
განცხადებაში ნათქვამია, რომ
რუსეთის უპირატესობის გათვალისწინებით, ქალაქის გამაგრება უკრაინის
ჯარებს ფატალურ შედეგებამდე მიიყვანს.
"უკრაინელი დამცველების სიცოცხლის
გადასარჩენად, მივიღეთ გადაწყვეტილება უკან დახევის შესახებ.
სამწუხაროდ, მტკიცე ნება და პატრიოტიზმი წარმატებისთვის საკმარისი არ
არის - საჭიროა მატერიალური და ტექნიკური რესურსები",-ნათქვამია
განცხადებაში.
უკრაინელი ჯარისკაცების მიერ
ლისიჩანსკის დატოვებას გამოეხმაურა ქვეყნის პრეზიდენტი ვოლოდიმირ
ზელენსკიც.
"ჩვენ ვუფრთხილდებით მებრძოლებისა
და ჩვენი ხალხის სიცოცხლეს. კედლებს აღვადგენთ, მიწას დავიბრუნებთ,
ადამიანებს კი ყველაზე მეტად უნდა გავუფრთხილდეთ. თუ არმიის სარდლობას
ფრონტის გარკვეული წერტილებიდან, სადაც მტერს ბევრად დიდი საცეცხლო
უპირატესობა აქვს, ხალხი გაჰყავს, კონკრეტულად ეს ლისიჩანსკს ეხება,
ეს ნიშნავს მხოლოდ ერთს, რომ ჩვენ დავბრუნდებით ჩვენი ტაქტიკისა და
თანამედროვე იარაღის მოწოდების გაზრდის წყალობით'',- განაცხადა
ვოლოდიმირ ზელენსკიმ.
ქალაქი ბოლო სტრატეგიული პუნქტი
იყო, რომელიც რუსეთს აღმოსავლეთ ლუგანსკის რეგიონზე სრული კონტროლის
დამყარებაში ხელს უშლიდა.
უკრაინაში 131 დღეა
ომია.
რუსეთი სუვერენულ უკრაინას თავს 24
თებერვალს დაესხა. რუსულმა არმიამ მოკლა ათასობით მშვიდობიანი
მოქალაქე, მიწასთან გაასწორა ქალაქები და დასახლებული
პუნქტები.
მსგავსი სიახლეები
17:11 / 01.05.2024
არასამთავრობო ორგანიზაცია ''მედიაომბუდსმენი'' ე.წ. რუსული კანონის
წინააღმდეგ გამართული საპროტესტო აქციების გაშუქებისას ჟურნალისტებზე
თავდასხმების ფაქტებზე ავრცელებს განცხადებას.
13:27 / 01.05.2024
არასამთავრობო სექტორი წუხელ, 30 აპრილს რუსთველზე გამზირზე მიმდინარე
აქციის დარბევას ეხმაურება.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები