ახალი ამბები
„ივანიშვილი ოლიგარქი არ არის“ - ღარიბაშვილი
FaceBook
საქართველოს პრემიერ-მინისტრმა ირაკლი ღარიბაშვილმა პირველი საჯარო განცხადება გააკეთა მას შემდეგ, რაც ცნობილი გახდა, რომ ევროპულმა საბჭომ საქართველოს ევროკავშირის კანდიდატი წევრის სტატუსი არ მიანიჭა და მხოლოდ პერსპექტივა დაუტოვა კონკრეტული ამოცანების შესრულების შემდეგ.

ამ ამოცანებში ერთ-ერთი მთავარი მოთხოვნა დეოლიგარქიზაციაა. 

კითხვაზე არის თუ არა ოლიგარქი ბიძინა ივანიშვილი, ღარიბაშვილმა უპასუხა - არა. 

ირაკლი ღარიბაშვილის მტკიცებით, ივანიშვილს არავითარი შემოსავალი არ მიუღია საქართველოდან. პირიქით, თუ "რამე იშოვა" დახარჯა საქართველოში. 

"მისი როლი არის უზარმაზარი ჩვენი ქვეყნის განვითარების თვალსაზრისით. ევროპასთან დაახლოების კუთხითაც. (ივანიშვილი) არ არის ოლიგარქი", - აღნიშნა ღარიბაშვილმა.  

ღარიბაშვილის მტკიცებით, ივანიშვილს არავითარი როლი პოლიტიკაში არ გააჩნია. ამ მიმართულებით ყველანაირი სპეკულაციები არის უსაფუძვლო და ამას სჭირდება დასაბუთება. 

"ბ-ნი ივანიშვილი ყველაზე დიდი მეცენატია. იგი 20 წელზე მეტია ეხმარება საქართველოს", - აღნიშნა პრემიერმა.

ღარიბაშვილის თქმით, ოლიგარქიზაციასთან დაკავშირებით კონსულტაციები ექნებათ ბრიუსელთან უფრო მეტი კონკრეტიკის მისაღებად.

"ჩვენს ამ თემას ჩავურღმავდებით. ეს პირობა სამივე ქვეყანას განესაზღვრა. ჩვენი ქვეყნისთვის ნამდვილად არ არის გამოწვევა. ამ პირობას შევასრულებთ". 

ევროპულმა საბჭომ გაიზიარა ევროკომისიის მოსაზრება და მიანიჭა კანდიდატის სტატუსი უკრაინასა და მოლდოვას, საქართველოს კი - ევროპული პერსპექტივა. ევროკავშირი კანდიდატის სტატუსს მიანიჭებს საქართველოსაც "მას შემდეგ, რაც მისი მთავრობა შეასრულებს" ევროკომისიის მიერ მითითებულ პირობებს. საქართველოს შესასრულებელი აქვს 12 მოთხოვნა.


Print E-mail
FaceBook Twitter
მსგავსი სიახლეები
ქუთაისის დავით კაკაბაძის სახელობის სახვითი ხელოვნების გალერეაში
გამოფენა
15:12 / 29.11.2022
ქუთაისის დავით კაკაბაძის სახელობის სახვითი ხელოვნების გალერეაში გამოფენა "კლასელები" გაიხსნა.
მართვის მოწმობის პრაქტიკული გამოცდის მეორე ეტაპზე, მგზავრობის
დაწყებამდე სატრანსპორტო საშუალების ტექნიკური გამართულობის შემოწმება
სავალდებულო იქნება.
13:46 / 29.11.2022
მართვის მოწმობის პრაქტიკული გამოცდის მეორე ეტაპზე, მგზავრობის დაწყებამდე სატრანსპორტო საშუალების ტექნიკური გამართულობის შემოწმება სავალდებულო იქნება.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.