ახალი ამბები
იმერეთში მოსულმა უხვმა ნალექმა ოთხი მუნიციპალიტეტი დააზარალა
FaceBook
უხვმა ნალექმა და წყალმოვარდნებმა ქუთაისის, წყალტუბოს, ხონისა და ტყიბულის მუნიციპალიტეტები დააზარალა.

ძლიერი წვიმის შედეგად დაიტბორა ქუჩები, წყალმა შეაღწია სარდაფებსა და საცხოვრებელი სახლების პირველ სართულებზე, ნალექმა გადაუარა სასოფლო-სამეურნეო მიწის ნაკვეთებს.

ქუთაისში, მოსული უხვი ნალექის შედეგად კალაპოტიდან გადმოვიდა რიონი და ახლომდებარე ქუჩებზე მცხოვრები მოსახლეობის საცხოვრებელ სახლებში შეაღწია.

ტყიბულის სოფელ  კურსებში ჩაიხერგა გზა, რის გამოც ოთხი ადამიანი ტერიტორიიდან გამოსვლას ვერ ახერხებდა. მათი გამოყვანა მაშველებმა შეძლეს. სოფელ ჭყეპში, ტყიბული-ორპირის საავტომობილო გზის მონაკვეთზე ხე წაიქცა, რამაც მოძრაობის შეფერხება გამოიწვია.

წვიმამ დააზარალა წყალტუბოს ცენტრალური ქუჩები, ასევე მაღალმთიანი სოფლების გზები, წყალმა შეაღწია სახლებში. უხვი ნალექის შედეგად სოფელ ცხუნკურში, დღნორისაში, რიონსა და ოფურჩხეთში დაზიანდა გზები. კალაპოტიდან გადმოვიდა "ვაზნარის ღელე", რის შედეგადაც დაიტბორა სოფელ ხომულის ნაწილი.

სტიქიამ დააზარალა ხონიც. სოფლებში მათხოჯსა და ძეძილეთში დაიტბორა რამდენიმე საკარმიდამო ტერიტორია. სოფელ გორდში დაზიანდა საგზაო ინფრასტრუქტურა და სანიაღვრე არხები.

ყველა მუნიციპალიტეტში მობილიზებულია შესაბამისი ტექნიკა და მიმდინარეობს გაწმენდითი სამუშაოები.
Print E-mail
FaceBook Twitter
თეგები: #სტიქია
მსგავსი სიახლეები
უკრაინაში, რუსი ოკუპანტის
წინააღმდეგ მებრძოლი ქართველი, ალუდა ზვიადაური სამშობლოში
ჩამოასვენეს.
17:42 / 25.06.2022
უკრაინაში, რუსი ოკუპანტის წინააღმდეგ მებრძოლი ქართველი, ალუდა ზვიადაური სამშობლოში ჩამოასვენეს.
საქართველო, სლოვაკეთი, პორტუგალია,
ირანის ისლამური რესპუბლიკა და ლიბანი - ეს ის ქვეყნებია, რომლის
ელჩებიც უკრაინის პრეზიდენტმა ვოლოდიმირ ზელენსკიმ თანამდებობიდან
გაათავისუფლა.
16:15 / 25.06.2022
საქართველო, სლოვაკეთი, პორტუგალია, ირანის ისლამური რესპუბლიკა და ლიბანი - ეს ის ქვეყნებია, რომლის ელჩებიც უკრაინის პრეზიდენტმა ვოლოდიმირ ზელენსკიმ თანამდებობიდან გაათავისუფლა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.