ახალი ამბები
იმისთვის, რომ ობიექტი გაიყიდოს, საკრებულოს დეპუტატების 2/3-ის მხარდაჭერაა საჭირო, რაც, სავარაუდოდ, არ მოხდება.
ფრაქციის თავმჯდომარე გიგა შუშანია ამბობს, რომ ქალაქის ხელისუფლების ამ საკითხისადმი დამოკიდებულება მიუღებელია და ოპოზიციას პროცესის მიმართ ნდობა არ აქვს. შესაბამისად, შუშანია ამბობს, რომ საკრებულოს მთავარი ოპოზიციური ძალა მერიის შენობის გაყიდვას, დიდი ალბათობით, მხარს არ დაუჭერს.
რა შემთხვევაში ვერ გაყიდის ეკონომიკის სამინისტრო ქუთაისის მერიის შენობას
21:42 / 21.06.2022
მიუხედავად იმისა, რომ ეკონომიკის
სამინისტრომ ქუთაისის მერიის ადმინისტრაციული შენობა საინვესტიციოდ
გაამზადა, ქონება, რომელიც ამ დრომდე ქუთაისის მუნიციპალურ საკუთრებას
წარმოადგენს, შესაძლოა აუქციონზე ვერ გაიტანონ.
იმისთვის, რომ ობიექტი გაიყიდოს, საკრებულოს დეპუტატების 2/3-ის მხარდაჭერაა საჭირო, რაც, სავარაუდოდ, არ მოხდება.
ფრაქცია "ნაციონალური მოძრაობა", რომელსაც წარმომადგენლობით ორგანოში
14 დეპუტატი ჰყავს, ქუთაისის მერიის შენობის აუქციონზე გატანაზე
თანხმობის მიცემას არ აპირებს.
ფრაქციის თავმჯდომარე გიგა შუშანია ამბობს, რომ ქალაქის ხელისუფლების ამ საკითხისადმი დამოკიდებულება მიუღებელია და ოპოზიციას პროცესის მიმართ ნდობა არ აქვს. შესაბამისად, შუშანია ამბობს, რომ საკრებულოს მთავარი ოპოზიციური ძალა მერიის შენობის გაყიდვას, დიდი ალბათობით, მხარს არ დაუჭერს.
"ჩვენ არ ვართ ქონების
გაყიდვის წინააღმდეგი, მაგრამ თუ იქნებოდა კონკრეტული პირობები
დაცული, მაგალითად, თუ ობიექტი გაიყიდებოდა იმ ფასში, რაც არის მისი
საბაზრო ღირებულება და რიყის დოქების ბედი არ ეწევა ამ შენობას,
სამჯერ რომ ჩააგდეს ვითომ აუქციონი და ბოლოს ივანიშვილთან დაახლოებულ
კომპანიას მისცეს ქონება; მოხდებოდა ამაზე მსჯელობა საზოგადოებაში და
არა ისე, როგორც დედაქალაქიდან აცნობა ქუთაისელებს მერმა, რომ მერიის
შენობა იყიდება; გარდა ამისა, რამდენადაც ჩვენთვის არის ცნობილი,
სწორედ "საპარტნიორო ფონდსა" და ივანიშვილთან დაახლოებულ ჯგუფებს სურთ
ამ შენობის შეძენა. ამიტომ, ნდობა ამ პროცესის მიმართ არის ნული და
შესაბამისად, არ არსებობს არანაირი წინაპირობა იმისა, რომ ჩვენ ამ
საკითხს მხარი დავუჭიროთ", - ამბობს გიგა
შუშანია.
ქუთაისის მერიის ადმინისტრაციული
შენობა, როგორც საინვესტიციოდ მიმზიდველი ობიექტი, ეკონომიკის
სამინისტრომ 15 ივნისს ინვესტორებს წარუდგინა. ქონების ეროვნულმა
სააგენტომ, მერიის შენობა 16 039 000 ლარად შეაფასა, თუმცა, მის
გასაყიდად ქუთაისის საკრებულოს თანხმობაა საჭირო.
ქუთაისის საინვესტიციო პოტენციალის პრეზენტაცია თბილისში გაიმართა
ქუთაისის საინვესტიციო პოტენციალის პრეზენტაცია თბილისში გაიმართა
მერიის ადმინისტრაციულ შენობასთან
ერთად, გასაყიდ ობიექტთა ნუსხაში მოხვდა ქალაქში არსებული 23 მსხვილი
ობიექტი, მათ შორის, "პრესის სახლი" და ყოფილი საკონსერვო ქარხანა.
ეკონომიკის სამინისტრომ 22 ობიექტი, გარდა ქუთაისის მერიის შენობისა,
აუქციონზე უკვე გაიტანა.
ამავე თემაზე:
ამავე თემაზე:
მსგავსი სიახლეები
14:13 / 26.04.2024
რიკოთის ახალი მაგისტრალური გზის მშენებლობის პროექტის ფარგლებში,
შორაპანი-არგვეთას მონაკვეთზე, ზესტაფონის შემოვლითი 9 კმ-იანი
მაგისტრალური გზა ავტოტრანსპორტისთვის დღეიდან გაიხსნა.
13:08 / 26.04.2024
საქართველოს სტატისტიკის ეროვნული სამსახურის მონაცემებით, 2023 წელს,
ემიგრანტების რიცხოვნობამ 245 064 კაცი შეადგინა, რაც წინა წელთან
შედარებით 95.6 პროცენტით მეტია.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები