ახალი ამბები
ზელენსკის თქმით, რუსეთს უკრაინის 3620 დასახლება აქვს ოკუპირებული
FaceBook
უკრაინის 3620 დასახლება რუსეთის ოკუპაციის ქვეშ მოექცა, ბევრი მათგანი ცხოვრებისთვის შეუფერებელია.


ამის შესახებ უკრაინის პრეზიდენტმა ვოლოდიმირ ზელენსკიმ აშშ-ს მერების კონფერენციაზე გამოსვლისას განაცხადა.

ინფორმაციას UNIAN ავრცელებს.

"24 თებერვლიდან, უკრაინაში რუსეთის ოკუპაციის ქვეშ 3620 დასახლებული პუნქტი მოექცა. ესენია როგორც დიდი, ასევე პატარა ქალაქები. მათი მნიშვნელოვანი ნაწილი, უბრალოდ ცივილიზებული ცხოვრებისთვის შეუფერებელია. ეს არის რეალობა, რომელიც რუსეთმა მოიტანა. ქალაქებში არ არის კომუნიკაცია, არ არის ელექტროენერგია, არ არის წყალი. ბომბებმა და რაკეტებმა გაანადგურეს შენობები, მათ შორის საბავშვო ბაღები ან უნივერსიტეტები. არის ქალაქები, რომლებიც სრულიად გადამწვარია", - თქვა მან.

უკრაინის პრეზიდენტს სჯერა ოკუპანტზე გამარჯვების, ამიტომ უკრაინის ხელისუფლებამ ამ ომის შემდეგ უკრაინის აღდგენის ამბიციური პროექტი დაგეგმა. მან ამ პროექტის განსახორციელებლად ამერიკის ქალაქების მერები მოიწვია.

"ამერიკის შეერთებული შტატების ხელმძღვანელობისა და ყველა ჩვენი პარტნიორის მხარდაჭერის წყალობით, უკრაინულებს ეძლევათ საჭირო იარაღი თავისუფლებისთვის საბრძოლველად, მაგრამ უკრაინას ასევე სჭირდება თავისუფალი სამყაროს მხრიდან ეკონომიკური უპირატესობის დემონსტრირება. ამიტომ, ჩვენ ვიწვევთ ჩვენს პარტნიორებს შეუერთდნენ უკრაინის რეკონსტრუქციას. აიღეთ მფარველობა ქალაქებსა და რეგიონებზე, რომელიც განადგურდა რუსეთის დარტყმების შედეგად და აღადგინეთ ისინი უახლესი ტექნოლოგიების გამოყენებით", - ხაზგასმით აღნიშნა ზელენსკიმ.

მისი თქმით, ეს შეიძლება იყოს ჩვენი დროის ყველაზე დიდი ეკონომიკური პროექტი, რომელიც გააძლიერებს როგორც უკრაინას, ასევე სხვა ქვეყნებს.

ზელენსკიმ აღნიშნა, რომ ევროპაში რუსების მიერ წამოწყებული სრულმასშტაბიანი ომი და მსოფლიო ბაზრების დესტაბილიზაცია, პირდაპირ აისახება ყველა ხალხისა და თავისუფალი სამყაროს ყველა ქალაქის ცხოვრებაზე. მან მოუწოდა აშშ-ს მერებს "მეტი ზეწოლა მოახდინონ რუსეთზე".

მანამდე ვიცე-პრემიერმა ირინა ვერეშჩუკმა დროებით ოკუპირებული ტერიტორიების მოსახლეობას ურჩია, არ აიღონ რუსული პასპორტები და არ დარჩნენ ოკუპაციის ქვეშ.

უკრაინაში 101 დღეა ომია.
Print E-mail
FaceBook Twitter
მსგავსი სიახლეები
ქუთაისში, ქალაქის ცენტრში, უცნობმა პირებმა ტანსაცმლის მაღაზია
გაქურდეს.
12:28 / 18.07.2024
ქუთაისში, ქალაქის ცენტრში, უცნობმა პირებმა ტანსაცმლის მაღაზია გაქურდეს.
13:36 / 17.07.2024
"კულტურაა ის ერთადერთია, რაც ქმნის ჩვენ იდენტობას", - მიაჩნია არტისტს, ჯგუფი ბულიონის წევს ნატალია ვაწაძეს. 

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.