ახალი ამბები
სამგზავრო მატარებლები ქუთაისის აეროპორტთან დღეიდან გაჩერდებიან
FaceBook
საქართველოს რკინიგზის სამგზავრო მატარებლებს ახალი გაჩერება დღეიდან, 30 აპრილიდან დაემატება.

ქუთაისის აეროპორტთან დამაკავშირებელი რკინიგზის განახლებული სადგური მგზავრებს საქართველოს სხვადასხვა ქალაქიდან მიიღებს. ქუთაისის აეროპორტი კი, სპეციალურად გამოყოფილი ტრანსპორტით, მათ აეროპორტში გადაყვანას უზრუნველყოფს.

,,ქუთაისის აეროპორტი სპეციალურად გამოყოფილი ტრანსპორტით უზრუნველყოფს მგზავრების აეროპორტში გადაყვანას. კოპიტნარის სადგურიდან ქუთაისის აეროპორტში მისასვლელად მგზავრებს, დაახლოებით 5 წუთი დასჭირდებათ. მატარებლის ბილეთის ღირებულება ქუთაისის აეროპორტამდე ტრანსპორტირებას მოიცავს'',
- აცხადებენ საქართველოს რკინიგზაში.

კოპიტნარის მიმართულებით ბილეთების გაყიდვა უკვე დაიწყო. ბილეთების შეძენა შესაძლებელია საქართველოს რკინიგზის სალაროებში, კომპანიის ვებგვერდის, სწრაფი გადახდის აპარატებისა და რკინიგზის პარტნიორი კომპანიების ვებ-გვერდების მეშვეობით.


ქუთაისის საერთაშორისო აეროპორტთან სარკინიგზო ხაზის მოწყობა ყოფილმა პრემიერმა გიორგი კვირიკაშვილმა 2017 წელს დააანონსა, თუმცა, პროექტი არ განხორციელდა. მორიგი დაპირება ახალი სარკინიგზო ხაზის შესახებ ყოფილმა ეკონომიკის მინისტრმა ნათია თურნავამ 2020 წელს გასცა. მინისტრი მაშინ ამბობდა, რომ პროექტი, რომლითაც აეროპორტი საქართველოს რკინიგზას დაუკავშირდებოდა, დამტკიცებული იყო, თუმცა, არც ეს დაპირება შესრულდა.











Print E-mail
FaceBook Twitter
მსგავსი სიახლეები
ქუთაისში, „გუბერნსკის ციხის
15:00 / 12.06.2024
ქუთაისში, „გუბერნსკის ციხის" ყოფილ შენობას დაანგრევენ და მის ადგილზე საცხოვრებელი მრავალსართულიანი კორპუსი აშენდება. 
ქუთაისში, კინოთეატრის,
11:36 / 12.06.2024
ქუთაისში, კინოთეატრის, "სულიკოს" ყოფილი შენობის ადგილას მრავალსართულიანი საცხოვრებელი კორპუსის მშენებლობა მიმდინარეობს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.