ახალი ამბები
"ბენზინის სიიაფით, 71-ე ადგილზეა საქართველო მსოფლიოში" - ღარიბაშვილი
FaceBook
საქართველოს პრემიერ-მინისტრი ირაკლი ღარიბაშვილი ამბობს, რომ მოქალაქეები შეცდომაში არიან შეყვანილი, როცა საწვავზე გაზრდილ ფასებს აპროტესტებენ.

მთავრობის დღევანდელ სხდომაზე მან ციფრებით სცადა მოსახლეობის დარწმუნება იმაში, რომ საქართველოში ბენზინი ძვირი არ არის და რომ პირიქით, ჩვენი ქვეყანა ბენზინისა და ბუნებრივი აირის ერთ-ერთი ყველაზე იაფი იმპორტიორია. პრემიერს არც კი უთქვამს, რომ ხელისუფლება ცდილობს ან აპირებს ნაბიჯების გადადგმას საწვავზე ფასების დასარეგულირებლად.

"ჩვენ მეასე ადგილზე ვართ მსოფლიოში საწვავის ფასების მიხედვით. 21 მარტის მონაცემებით, მსოფლიოს 170 ქვეყანას შორის, ერთი ლიტრი ბენზინის სიიაფით, 71-ე იყო საქართველო. 99 ქვეყანაში არის უფრო ძვირი ბენზინი, ვიდრე საქართველოში. რაც შეეხება გაზის ფასებს, მინდა მოქალაქეებს განვუმარტო, რომ გაზის ფასები არის მკვეთრად გაზრდილი ევროპაში, ასეთი რამ არ ყოფილა. თუ ვინმეს ახსენდება რამდენს ვიხდით ბუნებრივ გაზში, ეს კომერციული საიდუმლოებაა და კონკრეტულად ვერ ვიტყვით, მაგრამ ევროპაში, გაზის ფასების მიხედვით მეორე თუ მესამე ადგილზე ვართ, ეს არის ძალიან მიზერული.
აზერბაიჯანის შემდეგ, მთელ ევროპაში, ყველაზე იაფი ღირს გაზი საქართველოში. ამიტომ, მე გთხოვთ ყველას, რომ მეტი პასუხისმგებლობა გამოვიჩინოთ და ნუ შევიყვანთ მოქალაქეებს შეცდომაში", - განაცხადა პრემიერმა.

მან გუშინ, ქვეყნის რამდენიმე ქალაქში გამართულ საპროტესტო აქციებზეც ისაუბრა და თქვა რომ პოლიციას "მოუწია" მოქალაქეების დაკავება, მაგრამ ეს სწორი იყო, რადგან კანონი უნდა იყოს დაცული.

"გუშინ პოლიციას მოუწია რეაგირება და რა თქმა უნდა, ეს სწორი იყო, რადგან არ შეიძლება ადამიანები ქუჩებს კეტავდნენ ავტომობილებით. ქვეყანაში უნდა იყოს წესრიგი და მოქალაქეები უნდა დაემორჩილონ კანონს", - განაცხადა ირაკლი ღარიბაშვილმა.

საქართველოში საწვავის ფასი ყოველდღიურად იზრდება. მოქალაქეები ბენზინის ფასის მატებას აპროტესტებენ და ხელისუფლებას რეაგირებისკენ მოუწოდებენ.
Print E-mail
FaceBook Twitter
მსგავსი სიახლეები
ოკუპანტი ქვეყნის სამხედროებმა
უკრაინაში კუნძული ზმეინი დატოვეს.
13:02 / 01.07.2022
ოკუპანტი ქვეყნის სამხედროებმა უკრაინაში კუნძული ზმეინი დატოვეს.
საერთაშორისო უფლებადამცველმა
ორგანიზაცია Amnesty International -მა, ოკუპანტი ქვეყნის
სამხედროების მიერ მარიუპოლის თეატრის დაბომბვა ომის დანაშაულად
აღიარა.
12:07 / 01.07.2022
საერთაშორისო უფლებადამცველმა ორგანიზაცია Amnesty International -მა, ოკუპანტი ქვეყნის სამხედროების მიერ მარიუპოლის თეატრის დაბომბვა ომის დანაშაულად აღიარა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.