ახალი ამბები
არასამთავრობო ორგანიზაცია, რომელიც ჰესის წინააღმდეგ დაწყებულ პროცესებში თავიდანვე იყო ჩართული, საკითხთან დაკავშირებით მეტ მკაფიოობას მოითხოვს და ხელისუფლებას მოუწოდებს გაასაჯაროოს ყველა ის დეტალი, რაც ამ გადაწყვეტილებას მოჰყვება. მათ შორის, საუბარია 40 მილიონი დოლარის ქონებაზე, რომელიც "ენკას" ხელშეკრულების გაწყვეტის შემდეგ ჩამოეწერა.
"ბუნდოვანია დაეკისრება თუ არა სახელმწიფოს იმ ზარალის კომპენსირება, რაც "ენკას"-ს მიადგა"
17:34 / 24.03.2022
"სოციალური სამართლიანობის ცენტრი",
რიონის ხეობაში ნამახვანჰესის მშენებელი კომპანია "ენკას" მიერ
ხელშეკრულების საბოლოოდ გაწყვეტას ეხმაურება.
არასამთავრობო ორგანიზაცია, რომელიც ჰესის წინააღმდეგ დაწყებულ პროცესებში თავიდანვე იყო ჩართული, საკითხთან დაკავშირებით მეტ მკაფიოობას მოითხოვს და ხელისუფლებას მოუწოდებს გაასაჯაროოს ყველა ის დეტალი, რაც ამ გადაწყვეტილებას მოჰყვება. მათ შორის, საუბარია 40 მილიონი დოლარის ქონებაზე, რომელიც "ენკას" ხელშეკრულების გაწყვეტის შემდეგ ჩამოეწერა.
"ამ ეტაპზე ბუნდოვანია
ასახავს თუ არა ეს ოდენობა ფინანსური ზარალის საბოლოო მასშტაბს და ხომ
არ არის შესაძლებლობა, რომ კომპანიასა და სახელმწიფოს შორის მორიგების
პროცესი განახლდეს, ან ის საარბიტრაჟო დავაში გადაიზარდოს. ამ ეტაპზე
ბუნდოვანია დაეკისრება თუ არა სახელმწიფოს იმ ზარალის კომპენსირება,
რაც ENKA-ს მიადგა - მთავრობასთან დადებული ხელშეკრულება კი ამ კუთხით
არაერთ პრობლემურ ჩანაწერს შეიცავს", - ნათქვამია
ორგანიზაციის მიერ გავრცელებულ განცხადებაში.
"სოციალური სამართლიანობის ცენტრი"
ხელისუფლებისგან საჯარო განმარტებებს ითხოვს პროექტის მომავალთან
დაკავშირებითაც.
"მიგვაჩნია, რომ
სახელმწიფომ დაუყოვნებლივ უნდა განმარტოს საკუთარი პოზიცია, როგორც
ENKA-სთან მიმდინარე მოლაპარაკების შესახებ, ისე პროექტის მომავალთან
დაკავშირებით. პროექტის ბუნდოვანი მომავლის გამო "რიონის ხეობის
მოძრაობა" წინააღმდეგობას არ წყვეტს და კვლავ ხეობაში რჩება. მათი
პოზიცია და მოთხოვნები დიდწილად უცვლელია. როგორც ჩანს,
სამართლებრივად არაფერი შეცვლილა არც ნამახვანჰესის საპროექტო
დოკუმენტაციასთან დაკავშირებით. დადებითი გარემოსდაცვითი
გადაწყვეტილება კვლავ ძალაშია, ისევე როგორც სამშენებლო
ნებართვა", - აცხადებენ "სოციალური სამართლიანობის"
ცენტრში.
დღეს გახდა ცნობილი, რომ "ენკამ"
ჰესის მშენებლობასთან დაკავშირებით გაფორმებული ხელშეკრულება ოფიციალურად გაწყვიტა. ფინანსური დოკუმენტიდან კი
ირკვევა, რომ კომპანიას ანგარიშიდან 40 მილიონი დოლარის ღირებულების
ქონება ჩამოეწერა.
ხელშეკრულების გაწყვეტის
პარალელურად, "ენკამ" რიონის ხეობაში ტექნიკის დემონტაჟი
დაიწყო.
კომპანია "ენკა რინიუებლზი" რიონის
ხეობაში 433 მგვტ. სიმძლავრის ჰესს აშენებდა, რასაც ადგილობრივი
მოსახლეობისგან უწყვეტი პროტესტი მოჰყვა. სპეციალისტები, რომლებმაც
ხელშეკრულება დეტალურად შეისწავლეს, აცხადებენ, რომ მასში დათმობილია
სახელმწიფო ინტერესი.
კომპანიამ გასული წლის სექტემბერში,
საფონდო ბირჟაზე ფორს-მაჟორისა და კონტრაქტის პირობების დარღვევის
მიზეზით, სახელმწიფოსთან საინვესტიციო ხელშეკრულების გაწყვეტის
შესახებ გააკეთა განაცხადი. იმ დროიდან მოყოლებული, ჰესის მშენებლობის
მოსამზადებელი სამუშაოები შეჩერებული იყო, თუმცა, ადგილზე რჩებოდა
მძიმე ტექნიკა.
მსგავსი სიახლეები
08:13 / 18.04.2024
რუსული კანონის წინააღმდეგ მოქალაქეების მშვიდობიანი პროტესტი, გუშინ,
17 აპრილს, თითქმის მთელი ღამის განმავლობაში გრძელდებოდა.
15:30 / 17.04.2024
რუსული კანონის პირველი მოსმენით მიღებას ქუთაისში პროტესტით
გამოეხმაურებიან.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები