ახალი ამბები
"საქართველო ვერავითარ ზიანს ვერ მიაყენებს რუსეთს" - კობახიძე სანქციებზე
15:06 / 16.03.2022
საქართველოს ხელისუფლება ხაზგასმით
ამბობს, რომ რუსეთისთვის დაწესებულ სანქციებს არ
შეუერთდება.
ამის შესახებ კიდევ ერთხელ განმარტა
"ქართული ოცნების" პოლიტსაბჭოს თავმჯდომარემ ირაკლი კობახიძემ. მან
მთავრობის ეს გადაწყვეტილება ქართველ ხალხზე "მზრუნველობით"
ახსნა.
"საქართველოს ხელისუფლება
ვერავითარ ზიანს ვერ მიაყენებს რუსეთს, საკუთარ ქვეყანასა და
მოსახლეობას კი უმძიმესი დარტყმის ქვეშ დააყენებს. აქედან
გამომდინარე, კიდევ ერთხელ ხაზგასმით ვაცხადებთ, რომ ჩვენი პოზიცია
სანქციების დაწესებასთან დაკავშირებით, არის უცვლელი და ამ პოზიციას
ვერავითარი პროვოკაციების, ფარული კამპანიების თუ უცხოელი ლობისტების
მეშვეობით ვერავინ შეგვაცვლევინებს. ვიმეორებთ, რომ საქართველო არ
შეუერთდება რუსეთისთვის დაწესებულ სანქციებს. უკრაინის პოლიტიკური და
ჰუმანიტარული მხარდაჭერის პარალელურად, საქართველოს ხელისუფლება
უკომპრომისოდ და პრინციპულად დგას და იდგება ქართული სახელმწიფოს და
ქართველი ხალხის ინტერესების სადარაჯოზე", - განაცხადა მან
ბრიფინგზე.
ირაკლი კობახიძეს ამ შემთხვევაშიც
არ დაზარებია წინა ხელისუფლების კრიტიკა და განაცხადა, რომ "ომის
პარტიამ" "ნაციონალური მოძრაობის" სახით, 2008 წლის აგვისტოს ომის
შემდეგ რუსეთს არა თუ სანქცია დაუწესა, არამედ რუსეთის
მოქალაქეებისთვის უვიზო მიმოსვლის რეჟიმი გახსნა.
"2008 წლის ომის შემდეგ,
რუსეთისთვის სანქციები არ დაუწესებია არც საქართველოს მაშინდელ
ხელისუფლებას. მეტიც, საქართველოს ხელისუფლებამ, "ნაციონალური
მოძრაობის" მმართველობის პერიოდში, 2010 წელს ნაწილობრივ, ხოლო 2012
წელს სრულად შემოიღო უვიზო მიმოსვლის რეჟიმი რუსეთის
მოქალაქეებისთვის. 2012 წლის შემდეგ, ჩვენი ხელისუფლების პირობებში,
რუსეთთან გაფართოვდა სავაჭრო-ეკონომიკური ურთიერთობები. წინა თუ
მოქმედი ხელისუფლების არც ერთ ამ გადაწყვეტილებასთან დაკავშირებით
არავის, ვიმეორებთ - არავის არავითარი კრიტიკული შენიშვნა არ
გამოუთქვამს.
უკრაინელი ხალხის მიმართ
ჩვენი განსაკუთრებული დამოკიდებულებიდან გამომდინარე, ბუნებრივია,
ჩვენი სოლიდარობა უკრაინის მიმართ განსაკუთრებულია. თუმცა,
გაუგებარია, როგორ შეიძლება მოგვთხოვონ სანქციების დაწესება უკრაინაში
მიმდინარე რუსული სამხედრო აგრესიის გამო, როდესაც ეს საქართველოს
ხელისუფლებას საკუთარი ქვეყნის ოკუპაციის შემდეგაც კი არ
გაუკეთებია", - განაცხადა ირაკლი კობახიძე.
საქართველო, რუსეთის მიერ უკრაინაში
შეჭრის გამო, რუსეთისთვის დაწესებულ სანქციებს არ
შეუერთდა.
მსგავსი სიახლეები
14:59 / 23.04.2024
USAID-ის სასამართლის უზენაესობის პროგრამის მიერ გამოცხადებული
რეგიონული კონკურსის გამარჯვებულები გამოვლინდნენ.
12:09 / 23.04.2024
ევროპის ისტორიული თერმული ქალაქების ასოციაციის გენერალურ ასამბლეას,
რომელიც საქართველოში პირველად იმართება, იმერეთი მასპინძლობს.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები