ახალი ამბები
უკრაინელი ხალხისთვის ქუთაისიდან ჰუმანიტარული დახმარება გაიგზავნა
FaceBook
ქუთაისიდან უკრაინელი ხალხისთვის ჰუმანიტარული დახმარება უკვე გაიგზავნა.
ომში მყოფ უკრაინელ ხალხს პროდუქტები, ტანსაცმელი და სხვა საჭირო ნივთები ადგილობრივებმა შეუგროვეს. ჰუმანიტარული დახმარება აკაკი წერეთლის სახელმწიფო უნივერსიტეტში, უმაღლესი საგანმანათლებლო დაწესებულების ორგანიზებით შეგროვდა.  

ტვირთი თბილისში, უკრაინის საელჩოში უკვე გაიგზავნა, რომელიც მის უკრაინაში ტრანსპორტირებას უზრუნველყოფს.

"წარმოუდგენელი დახმარება და სიკეთე  გამოიჩინა ქუთაისმა. ყველაფერი მოჰქონდათ, რაც  კი შეიძლება დაეხმაროს ომში მყოფ ქალებს, ბავშვებს და მოხუცებს, ტანსაცმელები, საკვები და ჰიგიენური საშუალებები. უკრაინელები არიან  ჩვენი მოძმე ხალხი და ნამდვილად იმსახურებენ ჩვენგან დახმარებას", - თქვა  უნივერსიტეტის  პრორექტორმა შალვა კირთაძემ. 

წერეთლის უნივერსიტეტში ჰუმანიტარული ტვირთის შეგროვება სამი დღის წინ დაიწყო. დახმარების აქცია მომდევნო დღეებშიც გაგრძელდება. 

ქუთაისში, ისევე, როგორც მთელ საქართველოში, უკრაინელი ხალხისთვის პუმანიტარულ დახმარებას აგროვებენ.

უკრაინაში მეცხრე დღეა ომია.  რუსული ავიაცია ყოველდღიურად ბომბავს ქვეყნის დიდ ქალაქებს. რუსული ჯარი ცდილობს კიევისა და სხვა ქალაქების აღებას.




Print E-mail
FaceBook Twitter
მსგავსი სიახლეები
15:21 / 19.04.2024
"ოქროს ჩარდახის“ რეაბილიტაცია, რომლის პროექტმაც საზოგადოების გარკვეულ წრეებში პროტესტი გამოიწვია, დასრულდა.
საქართველოში ოფშორების საკითხი განსაკუთრებით აქტუალური წელს გახდა.
14:08 / 19.04.2024
საქართველოში ოფშორების საკითხი განსაკუთრებით აქტუალური წელს გახდა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.