ახალი ამბები
მოსახლეობასთან "ენკას" უფრო მეტი უნდა ემუშავა'' - ნათია თურნავა
FaceBook
ეკონომიკის მინისტრი ნათია თურნავა ნამახვანჰესის პროექტის შეჩერებაში კომპანია "ენკას" ადანაშაულებს.

მინისტრის თქმით, ინვესტორს მოსახლეობასთან უფრო მეტად უნდა ემუშავა და დრო არ უნდა დაეკარგა.

,,ინვესტორს თავის დროზე მეტი მოქნილობა რომ გამოეჩინა, უფრო მეტად ემუშავა მოსახლეობასთან და არ დაეკარგა გარკვეული დრო, დღეს შეიძლება სულ სხვა სურათი ყოფილიყო''-,
განაცხადა ნათია თურნავამ.


მინისტრის თქმით, ნამახვანჰესის პროექტი არ უნდა დაზიანდეს, სახელმწიფო კი მზად არის ლიდერობისთვის მსგავსი ტიპის პროექტებში.

ნათია თურნავას განცხადებით, პროექტი შესაძლოა მთავრობის მეტი ჩართულობით განხორციელდეს. მინისტრის განმარტებით, ეს უფრო მეტ გარანტიას მისცემს ყველას.

ნამახვანჰესის პროექტთან დაკავშირებით, მედიაციის პროცესი გასული წლის ივნისში დაიწყო. ენერგოგაერთიანებას ნამახვანჰესის პროექტზე გაფორმებული ხელშეკრულება და პროექტის გარემოზე ზემოქმედების მასშტაბები უნდა შეეფასებინა. რიონის ხეობის მცველებმა მედიაციაში მონაწილეობაზე უარი პროცესის დასრულებამდე ორი თვით ადრე თქვეს.

ნამახვნჰესის მშენებელმა კომპანია ENKA Renewables-მა, ხელშეკრულების შეწყვეტის შესახებ გადაწყვეტილება სტამბოლის საფონდო ბირჟაზე 22 სექტემბერს გამოაქვეყნა, თუმცა, მოგვიანებით ეკონომიკის მინისტრმა ნათია თურნავამ განაცხადა, რომ ქვეყნიდან "ენკას" როგორც გასვლის, ასევე  დარჩენის შანსები თანაბარი იყო.

რიონის ხეობაში პროტესტი გრძელდება. ხეობის მცველები ღამეებს ისევ კარვებში ათენებენ და პროტესტის შეწყვეტას საკითხის გარკვევამდე არ აპირებენ, რაც ხეობიდან "ენკას" საბოლოოდ გასვლას და პროექტის შესახებ ხელშეკრულების შეწყვეტას გულისხმობს.


Print E-mail
FaceBook Twitter
მსგავსი სიახლეები
ქუთაისში, ბუხაიძის ქუჩაზე მდებარე მრავალსართულიანი კორპუსის პირველ
სართულზე ცეცხლი გაჩნდა.
21:55 / 21.02.2024
ქუთაისში, ბუხაიძის ქუჩაზე მდებარე მრავალსართულიანი კორპუსის პირველ სართულზე ცეცხლი გაჩნდა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.