ახალი ამბები
"თითო შევსებულ განაცხადზე 4.90 ლარი გვრჩება" - გაფიცულ სოც. აგენტებს იმერეთიდანაც უერთდებიან
FaceBook
ხელფასების გაორმაგების, უფასო დაზღვევის და სამუშაო პირობების გაუმჯობესების გაზრდის მოთხოვნით ქვეყნის მასშტაბით 390 სოციალური აგენტი დღეს დილიდან გაიფიცა.


პროტესტს იმერეთის ხუთი მუნიციპალიტეტის (ქუთაისი, ბაღდათი, ზესტაფონი, თერჯოლა, ხარაგაული) რაიონული მომსახურების ცენტრის თანამშრომლებიც შეუერთდნენ.

ნინო ბოჭორიშვილი სოციალური მომსახურების სააგენტოს ზესტაფონის რაიონულ განყოფილებაში უფროს სოციალურ აგენტად მუშაობს. ამბობს, რომ მისი ფიქსირებული ხელფასი 250 ლარს შეადგენს, ხოლო ერთი განაცხადის შევსებაში 6 ლარს უხდიან, რომელსაც საშემოსავლო აკლდება. მისი თქმით, სააგენტო არ ანაზღაურებს მათი გადაადგილების ხარჯებს, რაც განსაკუთრებით მძიმე ტვირთია აგენტებისთვის.

"თითო შევსებულ განაცხადზე რეალურად 4.90 ლარი გვრჩება, დანარჩენი საშემოსავლოს მიაქვს. ხელფასი მაქვს 250 ლარი. არ არის გათვალისწინებული გადაადგილების ხარჯები, რომელიც ოჯახში მისასვლელად და განაცხადის შესავსებად გვჭირდება. ეს მაშინ, როცა ოჯახში სამჯერ მისვლის ვალდებულება გვაქვს. ეს ხომ ყველაფერი ხარჯია?! არ გაქვს უფასო დაზღვევა, რომელიც რეალურად გვეკუთვნის", - ამბობს ნინო ბოჭორიშვილი.

მასთან ერთად, სოციალური აგენტები გაიფიცნენ ქუთაისში, ბაღდათში, თერჯოლასა და ხარაგაულში.

ისინი ხელფასის მატებასთან ერთად მოითხოვენ დეკრეტული შვებულების სრულყოფილ ანაზღაურებას, ჯანმრთელობის დაზღვევას, ჯანმრთელობის მდგომარეობის გამო ბიულეტენზე არსებობისას სამუშაო ანაზღაურების შენარჩუნებას და პროფესიულ კავშირთან კოლექტიური ხელშეკრულების დადებას.
Print E-mail
FaceBook Twitter
მსგავსი სიახლეები
23 მაისს დღის მეორე ნახევრიდან 25 მაისის დღის პირველ ნახევრამდე
საქართველოში მოსალოდნელია დროგამოშვებით წვიმა და ელჭექი,
17:22 / 22.05.2022
23 მაისს დღის მეორე ნახევრიდან 25 მაისის დღის პირველ ნახევრამდე საქართველოში მოსალოდნელია დროგამოშვებით წვიმა და ელჭექი,
უკრაინელმა დეპუტატებმა ქვეყანაში საყოველთაო მობილიზაციის
გახანგრძლივების შესახებ პრეზიდენტის ბრძანებულებას მხარი დაუჭირეს,
15:42 / 22.05.2022
უკრაინელმა დეპუტატებმა ქვეყანაში საყოველთაო მობილიზაციის გახანგრძლივების შესახებ პრეზიდენტის ბრძანებულებას მხარი დაუჭირეს,

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.