ახალი ამბები
დიდთოვლობის გამო, იმერეთის, ლენტეხისა და ლეჩხუმის გზებზე კვლავ შეზღუდვები დაწესდა
11:19 / 17.01.2022
დიდთოვლობის გამო, იმერეთის, ლენტეხისა და
ლეჩხუმის გზებზე ტრანსპორტის გადაადგილება კვლავ
შეზღუდულია.
დიდთოვლობისა და ზვავსაშიშროების
გამო, ყველა სახის ტრანსპორტისთვის გადაადგილება აკრძალულია
ვანი-სულორის საავტომობილო გზის მონაკვეთზე, მოძრაობა ნებადართული არ
არის არც გომი-საჩხერე-ჭიათურა-ზესტაფონის გზაზე
მისაბმელიანი და ნახევრადმისაბმელიანი ტრანსპორტისთვის, აქ
გადაადგილება მხოლოდ მოცურების საწინააღმდეგო ჯაჭვების გამოყენებით
არის შესაძლებელი. ორი და მეტი წამყვანი ხიდის მქონე ტრანსპორტის
მოძრაობა კი თავისუფალია.
შეზღუდვა მოქმედებს საჩხერე-ონისა
და ალპანა-ცაგერის გზაზეც, სადაც აკრძალულია მისაბმელიანი
და ნახევრადმისაბმელიანი ტრანსპორტის მოძრაობა. მისაბმელიანი და
ნახევრადმისაბმელიანი ტრანსპორტისთვის ჩაკეტილია ნაქერალას
უღელტეხილიც.
შეზღუდვები ასევე დაწესებულია
ქუთაისი-ბაღდათი-აბასთუმანი-ბენარას, ბაღდათი-საირმე, ჩოლაბურის
ხიდი-თერჯოლა-ტყიბული და
ქუთაისი-წყალტუბო-ცაგერი-ლენტეხი-ლასდილის გზებზე.
საავტომობილო გზების დეპარტამენტის
ინფორმაციით, გზებზე გაწმენდითი სამუშაოები აქტიურად
მიმდინარეობს.
მასალის გამოყენების პირობები