საქართველოში, ერთ წელიწადში საარსებო შემწეობის
მიმღებთა რაოდენობა 22,6%-ით გაიზარდა.
სოციალური მომსახურების სააგენტოს
ვებ-გვერდზე გამოქვეყნებული სტატისტიკის მიხედვით, 2021 წლის
დეკემბერში საარსებო შემწეობას 643 167 ადამიანი იღებდა, ეს კი 118
569-ით მეტია წინა წლის ანალოგიურ პერიოდთან შედარებით. 2020 წლის
დეკემბერში სახელმწიფოს დახმარების იმედად 524 598 ადამიანი
იყო.
აღსანიშნავია, რომ ღარიბი
მოსახლეობის წილით, პირველ ადგილზე თბილისია (მოსახლეობის
რაოდენობიდან გამომდინარე). დედაქალაქში შემწეობას 130 748 ადამიანი
იღებს, რაც შემწეობის მიმღებთა საერთო რაოდენობის 20,3%-ია. მეორე
ადგილზეა იმერეთი 13%-ით, ამ რეგიონში საარსებო შემწეობას 83 563
ადამიანი იღებს. სამეულშია ქვემო ქართლი, სადაც სახელმწიფო დახმარებას
საარსებო შემწეობის მიმღებთა საერთო რაოდენობიდან 12% იღებს, ჯამში -
77 681 ადამიანი.
სოციალური მომსახურების სააგენტოს
დირექტორის მოვალეობის შემსრულებელი ლევან გოგოძე, შემწეობის
მიმღები ადამიანების რაოდენობის ზრდას ბენეფიციარების
საჭიროებებზე დროული რეაგირებით ხსნის.
მასალის გამოყენების პირობები