ახალი ამბები
"ეს არის დაცინვა" - "ნაციონალური მოძრაობა" მერის გაზრდილ ხელფასსა და გაძვირებულ ტრანსპორტზე
FaceBook
ქუთაისის საკრებულოს ფრაქცია "ნაციონალური მოძრაობა", ქუთაისში ოთხ სამარშრუტო ხაზზე მგზავრობის ტარიფის გაზრდასა და ქუთაისის მერის იოსებ ხახალეიშვილის ხელფასის გაორმაგებას აპროტესტებს.

ფრაქციის თავმჯდომარის, გიგა შუშანიას თქმით, ქალაქში არსებული მძიმე სოციალური ვითარების ფონზე, მერისთვის ხელფასის 5500 ლარამდე გაზრდა მოქალაქეების დაცინვაა.

"იმ ფონზე, როდესაც ქუთაისის ტრანსპორტის 4 მიმართულებაზე გაიზარდა ტარიფი 50 დან 70 თეთრამდე, ქუთაისელთა დიდი ნაწილი სიღარიბის ზღვარზე, ქალაქი ყოველდღიურად იცლება მოსახლეობისგან და უამრავი მოუგვარებელი პრობლემაა, ქუთაისის მერის ხელფასის 5500 ლარამდე გაზრდა არის ქუთაისელთა დაცინვა. საერთო ჯამში, ქუთაისის მერის მაღალჩინოსნების და აქტივისტების ხელფასებზე 2022 წელს 7 მილიონი ლარით მეტი დაიხარჯება, სულ კი ხელფასებში 33 მილიონი ლარი იხარჯება
", - განაცხადა გიგა შუშანიამ.

მისივე თქმით, მაშინ, როცა ქუთაისის მერიას 25 მილიონიანი ვალი აქვს, "ქართული ოცნება" ხელფასების ზრდაზე უარს მაინც არ ამბობს. გიგა შუშანია მიიჩნევს, რომ თუ მმართველი პარტია ამაზე უარს იტყვის, ქუთაისის მერია დაზოგილი თანხით 4 წელიწადში 28 მილიონი ლარის დაზოგავს, რაც ამ ვალის დასაფარად საკმარისი იქნება.

ფრაქცია "ერთიანი ნაციონალური მოძრაობა" მოუწოდებს ქართულ ოცნებას უარი თქვას ამ გადაწყვეტილებაზე და აღნიშნული თანხა მიმართოს ქუთაისელთა პრობლემების მოგვარებაზე.

ქუთაისის მერის გაზრდილი ხელფასი 5500 ლარს შეადგენს.  4400 ლარი ექნება მერის პირველ მოადგილეს, ხოლო 3850 ლარი მეორე მოადგილეს.  ამ ფონზე,  20 თეთრით გაძვირდა მგზავრობა ქალაქში ოთხი მიმართულებით (N1, N2, N3, N5) მოძრავ ტრანსპორტზე.

ქუთაისის მერიის პრესსამსახურში ამბობენ, რომ კომპანია, რომელმაც მგზავრობის საფასური გაზარდა, კერძოა, ხოლო რაც შეეხება, მერის ხელფასის გაზრდას, ამის შესახებ განცხადებას მოგვიანებით გააკეთებენ.

Print E-mail
FaceBook Twitter
მსგავსი სიახლეები
საბაჟო და სასაზღვრო კონტროლი ხორციელდება დადგენილი წესების მიხედვით
- ინფორმაცია გამშვებ პუნქტებზე გროვდება, ანალიზი ხორციელდება და
მხოლოდ ამის შემდეგ მიიღება გადაწყვეტილება ამა თუ იმ პირთან
მიმართებით,
16:12 / 26.09.2022
საბაჟო და სასაზღვრო კონტროლი ხორციელდება დადგენილი წესების მიხედვით - ინფორმაცია გამშვებ პუნქტებზე გროვდება, ანალიზი ხორციელდება და მხოლოდ ამის შემდეგ მიიღება გადაწყვეტილება ამა თუ იმ პირთან მიმართებით,
საქართველოს კულტურის, სპორტისა და ახალგაზრდობის სამინისტრო, სსიპ
საქართველოს კინემატოგრაფიის ეროვნულ ცენტრთან ერთად, მრავალსერიიანი
მხატვრული ფილმის სცენარის შექმნის მიზნით კონკურსს აცხადებს.
16:06 / 26.09.2022
საქართველოს კულტურის, სპორტისა და ახალგაზრდობის სამინისტრო, სსიპ საქართველოს კინემატოგრაფიის ეროვნულ ცენტრთან ერთად, მრავალსერიიანი მხატვრული ფილმის სცენარის შექმნის მიზნით კონკურსს აცხადებს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.