ქუთაისიპოსტი

უვადო ,,მწვანე პასპორტის'' საჩივარი თბილისის საქალაქო სასამართლომ არ დააკმაყოფილა.
ადვოკატებმა ანა არგანაშვილმა და ანა აბაშიძემ სასამართლოს მიმართა დაევალებინა მთავრობისთვის მწვანე ბარათის სამეცნიერო და სამედიცინო მტკიცებულებების გაცემა.

ორგანიზაცია ,,პარტნიორობა ადამიანის უფლებებისთვის'' აცხადებენ, რომ მათი მოთხოვნა სასამართლომ უსაფუძვლოდ მიიჩნია და არ დააკმაყოფილა.

ორგანიზაციაში აცხადებს, რომ მათი არგუმენტი სასამართლოს აძლევდა საშუალებას, მთავრობა დაევალდებულებინა, კოვიდგადატანილებისთვის მწვანე სტატუსი დროებით მიენიჭებინა.

ორგანიზაციას მოსარჩელე მხარის არგუმენტიც მოჰყავს, რომელიც მათი თქმით უსაფუძვლოა.

"მოცემულ შემთხვევაში სრულად ეყრდნობა განმცხადებლების შეფასებებს და ინტერნეტ გამოცემების ამონარიდებს, სადაც დარგის სპეციალისტების მიერ გამოთქმულია მოსაზრებები მიმდინარე თემასთან დაკავშირებით"-, განაცხადა სასამართლო სხდომაზე მოსარჩელე მხარემ.

,,პარტნიორობა ადამიანის უფლებებისთვის''აცხადებს,რომ მათი სარჩელი ეყრდნობოდა დაავადებათა კონტროლისა და საზოგადოებრივი ჯანმრთელობის ეროვნული ცენტრის დირექტორის, ამირან გამყრელიძის, ინფექციური საავადმყოფოს დირექტორის, თენგიზ ცერცვაძის, ალერგოლოგ-იმუნოლოგ ბიძინა კულუმბეგოვის, იაშვილის სახელობის ბავშვთა ცენტრალური საავადმყოფოს სამედიცინო დირექტორის, ივანე ჩხაიძის შეფასებებს.

ორგანიზაციის თქმით, ეს ადამიანები აცნობენ საზოგადოებას ყოველდღიურად პანდემიასთან დაკავშირებულ სამედიცინო და სამეცნიერო სიახლეებს და წარმოადგენენ ინსტიტუტებს, რომლებსაც ევალებათ ქვეყანაში ეპიდემიასთან ბრძოლის სახელმწიფო პოლიტიკის შემუშავება.

პირველი დეკემბრიდან კაფეებში, რესტორნებში, კინოთეატრებში მხოლოდ ისინი პირები შევლენ, ვისაც "მწვანე პასპორტი" ექნება.

,,მწვანე პასპორტი'' აღება შეუძლიათ პირებს, რომლებიც

ან ორჯერაა აცრილი კოვიდსაწინააღმდეგო ვაქცინით

ან ჩატარებული აქვს 72 საათის ვალიდურობის პისიარ ტესტი ან 24-საათიანი ვალიდურობის სწრაფი ანტიგენ ტესტი

ან გადატანილი აქვს კოვიდი.

ამავე თემაზე:

უვადო "მწვანე პასპორტს" უჩივიან