ახალი ამბები
ოპოზიცია დღეს თბილისში ორივე სანაპიროს გადაკეტავს
FaceBook
დღეს, ოპოზიციის ლიდერები, მხარდამჭერებთან ერთად, მეტრო "ავლაბართან" შეიკრიბებიან და მსვლელობით თბილისის ორივე სანაპიროსკენ გაემართებიან, სადაც გზას გადაკეტავენ.

"ნაციონალური მოძრაობის" თავმჯდომარის ნიკა მელიას თქმით, ეს აქცია იქნება გამაფრთხილებელი სიგნალი, რომ პროტესტი მწვავდება.

"მესმის, რომ ეს გარკვეულ დისკომფორტს შეუქმნის მოქალაქეებს, მაგრამ ეს არის ძლიერი გამაფრთხილებელი სიგნალი რეჟიმისთვის, რომ საპროტესტო მოძრაობა ყოველდღე უფრო და უფრო მწვავე გახდება. არანაირი საფუძველი, რომ დღემდე მიხეილ სააკაშვილი არ არის გადაყვანილი სამოქალაქო საავადმყოფოში, რეჟიმს არ გააჩნია, გარდა ერთისა - არაადამიანური მოპყრობით მიხეილ სააკაშვილის მიმართ პირადი შურისძიება"
, - განაცხადა ნიკა მელიამ.

აქცია ორ საათზე დაიწყება.


დღესვე, თბილისის საქალაქო სასამართლოში ე.წ. პიჯაკების საქმეზე მიხეილ სააკაშვილის სასამართლო პროცესი გაიმართება.

ჯერჯერობით, უცნობია დაესწრება თუ არა საქართველოს მესამე პრეზიდენტი სხდომას. მისი პირადი ექიმის ნიკოლოზ ყიფშიძის თქმით, იგი თავს სუსტად გრძნობს, თუმცა, მზად არის სასამართლოში გადასაყვანად.

როგორც მისი ადვოკატი ბექა ბასილაია აცხადებს, სააკაშვილის გადაყვანასთან დაკავშირებით, პენიტენციურ სამსახურში შესაბამისი მოთხოვნა უკვე გაგზავნილია.

"ნაციონალური მოძრაობის" თავმჯდომარემ ნიკა მელიამ კი თქვა, რომ პროცესზე სააკაშვილის გადაყვანის შემდეგ, სასამართლოსთან აქცია არ გაიმართება.

თანხების გაფლანგვის საქმეზე სასამართლო პროცესი 11 საათზეა ჩანიშნული.

ე.წ. პიჯაკების საქმეზე მიხეილ სააკაშვილს პროკურატურა საბიუჯეტო თანხის დიდი ოდენობით - 9 მილიონი ლარის ჯგუფურად გაფლანგვას ედავება. საქართველოს მესამე პრეზიდენტთან ერთად საქმეზე ბრალდებულია სახელმწიფო დაცვის სპეციალური სამსახურის ყოფილი უფროსი თეიმურაზ ჯანაშიაც.
Print E-mail
FaceBook Twitter
თეგები: #აქცია
მსგავსი სიახლეები
სამეცნიერო - ინტელექტუალური კლუბი
12:57 / 03.10.2022
სამეცნიერო - ინტელექტუალური კლუბი "თაობათა დიალოგის" თანადამფუძნებელს ნუგზარ კოხრეიძეს საქართველოს სახალხო დამცველის არჩევის კონკურსში ღია მხარდაჭერას უკვე 40-მდე რეგიონული არასამთავრობო ორგანიზაცია უცხადებს.
ფიზიკური დაპირისპირება იყო ხარაგულის საკრებულოს სხდომაზე, სადაც
პოლიციის გამოძახება გახდა საჭირო.
10:56 / 03.10.2022
ფიზიკური დაპირისპირება იყო ხარაგულის საკრებულოს სხდომაზე, სადაც პოლიციის გამოძახება გახდა საჭირო.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.