ახალი ამბები
,,რატომ გაახსენდა ეს მესამე დღეს'' - მდინარაძე ,,ოცნების'' რეგისტრატორის ბრალდებაზე
16:38 / 03.11.2021
,,ქართული ოცნების'' აღმასრულებელი მდივანი ქუთაისის
#90-ე უბნის კომისიის წევრის ბრალდებას, მმართველი პარტიის მიერ
არჩევნების გაყალბების შესახებ, ეხმაურება.
მამუკა მდინარაძე აცხადებს, რომ იზა
ჩირგაძის მიერ გავრცელებული ინფორმაცია არასწორია, რადგან თუ მასზე
ზეწოლა ხორცილედებოდა, ამის შესახებ პირველივე დღესვე უნდა
ეთქვა.
"მე არ ვიცი, ამ შემთხვევაში რა იყო
საფუძველი იმ არასწორი ინფორმაციის გავრცელების. დაინტერესდით კარგად
რა იყო საფუძველი, რატომ გაახსენდა მესამე დღეს და რატომ მოხდა ისე,
რომ მესამე დღეს რაღაც ისეთი თქვა, რაც სინამდვილეს არ შეესაბამება.
თუ ხდებოდა და ვიღაც ასეთ რამეს ეუბნებოდა ამ ერთეულ შემთხვევაში,
იმავე დღეს რატომ არ მოხდა ამის გახმოვანება და გაპროტესტება? უამრავი
კითხვა არსებობს", -
განაცხადა მამუკა მდინარაძემ.
ამ მომენტისთვის იზა ჩირგაძე
ქუთაისში არ იმყოფება. ცარიელია მისი სახლი იმერეთის ერთ-ერთ
სოფელშიც, სადაც იგი ორი დღის წინ ჩავიდა. მისი ადგილსამყოფელი
ამ დროისთვის უცნობია, თუმცა, ჯერ კიდევ დილით იგი სოფელში, მეუღლის
საცხოვრებელ სახლში იყო.
ამას ქუთაისიპოსტს ადგილობრივები
უდასტურებენ. თავად იზა ჩირგაძემ კი მედიასთან საუბარი არ ისურვა.
შესაბამისად, უცნობია კვლავ ხორციელდება თუ არა მასზე ზეწოლა "ქართული
ოცნების" მხრიდან, რაზეც იზა ჩირგაძე ორი დღის წინ საუბრობდა. უცნობია
გრძნობს თუ არა ის თავს უსაფრთხოდ.
მეზობლები ვარაუდობენ, რომ მან
სახლი უკანა გასასვლელიდან დატოვა, საიდანაც ქუჩა ცენტრალურ გზას
უერთდება.
პირველ ნოემბერს, ქუთაისის 90-ე
საარჩევნო უბნის რეგისტრატორმა, იზა ჩირგაძემ, რომელიც მმართველი
პარტიის წარმომადგენელია, განაცხადა, რომ მას არჩევნების გაყალბებას
აიძულებდნენ. მან ამის შესახებ "ნაციონალური მოძრაობის" შტაბში
ისაუბრა. მისი თქმით, მას შემდეგ, რაც მან გაყალბების სქემაზე ღიად
საუბარი გადაწყვიტა, მასზე და მისი ოჯახის წევრებზე ზეწოლა
დაიწყო.
მსგავსი სიახლეები
14:59 / 23.04.2024
USAID-ის სასამართლის უზენაესობის პროგრამის მიერ გამოცხადებული
რეგიონული კონკურსის გამარჯვებულები გამოვლინდნენ.
12:09 / 23.04.2024
ევროპის ისტორიული თერმული ქალაქების ასოციაციის გენერალურ ასამბლეას,
რომელიც საქართველოში პირველად იმართება, იმერეთი მასპინძლობს.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები