ახალი ამბები
ხარვეზების გასწორება - ნიკიტინის სკვერში ფილებს თავიდან აგებენ
FaceBook
ქუთაისში, ნიკიტინის სკვერში ფილებს ხელმეორედ აგებენ.
ადგილზე დასაქმებულებს ხარვეზებზე საუბარი  არ სურთ.  ამბობენ  მხოლოდ იმას, რომ ფილები სამუშაოების დასრულებამდე  მოქალაქეების გადაადგილების გამო დაზიანდა. 

"მოქალაქეები გადაადგილდებოდნენ ვიდრე სამუშაოები დასრულდებოდა და  ამან გამოიწვია დაზიანება. მერიც იყო მოსული და არ მოეწონა.  წესით, უნდა ჩაებარებინათ, მაგრამ გვითხრეს ჯერ არ ჩავიბარებთო.  ახლა გვიწევს თავიდან დაგება",
- ამბობენ ადგილზე დასაქმებულები. 


ქუთაისის მერიაში განმარტავენ, რომ ნიკიტინის სკვერი ხარვეზებით გაკეთდა და ვიდრე არ გამოსწორდება,  სამუშაოებს არ ჩაიბარებენ. 

"გამოიკვეთა ხარვეზები, რომელიც ეცნობა შემსრულებელ კომპანიას. თუ არ გამოსწორდება, კომპანია დაჯარიმდება. ამ ეტაპზე შეგვიძლია ვთქვათ, რომ ხარვეზების გამოსწორება მიმდინარეობს",
- განმარტავენ  ქუთაისის მერიაში. 

ქალაქის ცენტრალურ ნაწილში ნიკიტინის სკვერს  კომპანია "გლობალ სტანდარტმშენი" აწყობს. კომპანიის წარმომადგენელი მურმან კუტალაძე ამბობს, რომ ხარვეზების  ჩამონათვალი უკვე მიიღეს და მათ გამოსწორებაზე მუშაობენ. 

"მთავარი ხარვეზი იყო ფილების დაგება, რომელიც პროექტში იყო შეცდომით შეტანილი.  24 კვ. მეტრზე თავიდან გვიწევს ფილების აყრა. ასევე არის ჟანგის პრობლემა, რომელიც უკვე გამოსწორებულია. იყო კიდევ ე.წ. გვირაბი და კედლების პრობლემა, რომელიც ასევე გამოსწორებულია", - ამბობს მურმან კუტალაძე. 

მისი თქმით, მერიამ  ხავეზების გამოსასწორებლად ვადა 10 ოქტომბრამდე მისცა, თუმცა, სამუშაოებს უფრო ადრე დაასრულებს. 

ნიკიტინის სკვერის მოწყობა ბიუჯეტს 370 244 ლარი დაუჯდა. 

რუსთაველის ქუჩის მიმდებარედ სკვერს თამაზ ნიკიტინის სახელი 2008 წელს მიენიჭა. თამაზ ნიკიტინი რუსეთ-საქართველოს ომში გმირულად დაიღუპა.
Print E-mail
FaceBook Twitter
მსგავსი სიახლეები
ევროპის სახელმწიფო საფოსტო
ოპერატორების ასოციაციამ PostEurop-მა რუსეთის ფედერაციის „რუსეთის
ფოსტასა“ და ბელორუსის „ბელპოჩტას“ წევრობის უფლებები
შეუჩერა.
17:21 / 02.07.2022
ევროპის სახელმწიფო საფოსტო ოპერატორების ასოციაციამ PostEurop-მა რუსეთის ფედერაციის „რუსეთის ფოსტასა“ და ბელორუსის „ბელპოჩტას“ წევრობის უფლებები შეუჩერა.
ზესტაფონში უხვი ნალექის გამო,
ჩხეიძის ქუჩაზე, ხიდის მიმდებარედ არსებული გზა ჩაინგრა.
14:37 / 02.07.2022
ზესტაფონში უხვი ნალექის გამო, ჩხეიძის ქუჩაზე, ხიდის მიმდებარედ არსებული გზა ჩაინგრა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.